ينجەنەر- مەحانيكتىڭ ايتۋىنشا، ءوزى ويلاپ تاپقان ۇشقىشسىز اپپارات ءار- ءتۇرلى تاپسىرمانى ورىندايتىن امبەباپ بولماق. بۇدان بولەك كونۆەرتوپلاندى جەتىلدىرۋ بويىنشا دا پاتەنت العان. بۇل اسپانعا تىكۇشاق سەكىلدى كوتەرىلىپ، ۇشاق سەكىلدى جىلجيتىن اۋە كەمەسى. عالىم ونىڭ قوزعالتقىشتارىن باسقاشا ورناتىپ، سول ارقىلى قاۋىپسىزدىگىن كۇشەيتپەك.
تىڭ يدەياسىن ول بىرنەشە اسكەري قۇرىلىمدار مەن قارۋ- جاراق شىعاراتىن كاسىپورىندارعا جولداعان. قولداۋ بولىپ جاتسا وندىرىستىك سىناقتارعا كىرىسپەك. قازىر وتانداسىمىز ۆاشينگتونداعى روكۆەل عىلىمي ورتالىعىندا وقۋشىلارعا روبوتەحنيكا جانە ينجەنەرلىك شەشىمدەر جونىندە ءدارىس وقيدى.
ەرلان ءالىمحان، ونەرتاپقىش:
ەكى درون بار، ول كىشكەنە قۇپيا تاقىرىپ. ءبىراق ول كوپ ماقساتتاعى درون. ول نەشە ءتۇرلى تاپسىرمانى شەشەدى. تۇرىكتەردىڭ بايراكتارىنا ۇقسايدى. ءوزىم پاتريوتپىن قازاقستانعا كەرەك بولسام كەلەمىن.
https://qazaqstan.tv /