بۇگىنگى سوت وتىرىسىندا مادەنيەت باسقارماسىنىڭ ەكس-باسشىسى اقىلبەك رىسقاليەۆ كۇتپەگەن مالىمدەمە جاسادى.
ول بۇعان دەيىن حامەنوۆانىڭ اقشا تالاپ ەتكەنىن راستاپ، جاۋاپ بەرگەن ەدى.
ال بۇگىن ءوزىن انتيكور قىزمەتكەرلەرىنىڭ ماجبۇرلەگەنىن ايتىپ وتىر.
ونىڭ مالىمدەۋىنشە، قىزمەتكەرلەر ىستە جەڭىلدىك بولاتىنىن جانە جازاعا تارتىلمايتىنىن ايتىپتى.
وسىعان سەنىپ قالدىم دەگەن اقىلبەك رىسقاليەۆ، ويلانا كەلە شىندىقتى جاريالاماق بولىپتى.
وعان قوسا سۋديادان بۇعان دەيىنگى بەرگەن جاۋاپتارىنىڭ جالعان ەكەنى، سوڭعى مالىمدەمەسىن عانا ەسكەرۋدى سۇرادى.
ەستەرىڭىزگە سالا كەتەيىك، وتكەن جىلدىڭ 10- جەلتوقسانىندا باقىتگۇل حامەنوۆا مەن وبلىستىق مادەنيەت باسقارماسىنىڭ باسشىسى اقىلبەك رىسقاليەۆ اتىراۋدا اقىن اباي قۇنانباي ۇلىنىڭ ەسكەرتكىشىن ورناتۋ بويىنشا مەملەكەتتىك ساتىپ الۋ كەلىسىم-شارتىن جاساۋعا «بالقىتۋ» ج ش س ديرەكتورى ءومىرتاي اداموۆتان 4 ميلليون 500 مىڭ تەڭگە كولەمىندەگى پارا العان دەگەن كۇدىككە ىلىنگەن ەدى.