قازاقستاندا ارەندا دۇربەلەڭى باسىلىپ، جالدامالى پاتەردىڭ اقىسى تومەندەدى

استانا. قازاقپارات - قازاقستانداعى جالعا بەرىلەتىن تۇرعىن ءۇيدىڭ باعاسى مەن سۇرانىسىنا تالداۋ جاساعان Krisha.kz رەسۋرسى پاتەراقى دۇربەلەڭى باسەڭدەگەنىن حابارلادى، دەپ حابارلايدى قازاقپارات ءتىلشىسى.

مونيتورينگكە سەنسەك، 5-12-قازان ارالىعىندا جەتى قالادا پاتەراقى باعاسى كەرىسىنشە ءسال تۇسكەن.

اتاپ ايتساق، پەتروپاۆل، اقتوبە، پاۆلودار، ورال، استانا، قوستاناي، اتىراۋ قالالارىندا پاتەراقى  تومەندەگەن.

ال الماتى، اقتاۋ، قاراعاندى، وسكەمەن، شىمكەنت قالالارىندا پاتەراقى ءالى قىمباتتاپ جاتىر.

پاتەراقىنىڭ شارىقتاۋ شەگى:

- الماتىدا – 30-قىركۇيەكتەن 7-قازانعا دەيىن؛

- استانا – 5-قازاننان باستاپ؛

- ورال – 2-قازاننان باستاپ تىركەلدى.

الماتىدا نارىق قۇرىلىمىنىڭ وزگەرۋىنە جانە ارزان پاتەرلەردىڭ تاپشىلىعىنا بايلانىستى تومەندەۋ ءالى بايقالماي وتىر.

ءبىر قىزىعى، تۇركىستان، تاراز، كوكشەتاۋدا پاتەراقى مەن سۇرانىس وزگەرمەگەن دەۋگە بولادى.