Massaget.kz ءتىلشىسى ءۇي الۋ ءۇشىن مامانداردىڭ كەڭەسىن ءبىلدى.
قارجى جوسپارىن قۇرامىز. قانشا اقشا جيناۋ كەرەك؟
«كرىشا» پورتالىنداعى كەڭەسكە سۇيەنسەك، ءبىرىنشى كەزەكتە ءۇيدى ساتىپ الۋ جوسپارىن قۇرىپ قويماساڭىز، ەشقاشان پاتەر الا المايتىنىڭىزدى ءبىلىپ الۋ كەرەك.
باستاپقىدا اقشا قايدا جۇمسالاتىنىن جانە ونى قالاي جۇمساۋ، سونداي-اق، اقشانى قالاي جيناۋ كەرەگىن ۇيرەنىپ العان ابزال.
قازىر ءسىزدىڭ الدىڭىزدا تۇرعان ءبىرىنشى جوسپار - اقشا قايدا كەتكەنىن انىقتاۋ. شىعىستى ءاردايىم باقىلاۋدا ۇستاپ وتىرۋ قيىن، الايدا ارنايى ادىستەرى بار ەكەنىن ءبىرى بىلسە، ءبىرى بىلمەيدى.
ءار تۇسكەن جالاقىدان 30000 تەڭگە جيناپ وتىرسا، 6 جىل ىشىندە باستاپقى جارنانى ياعني، مەملەكەتتىك باعدارلاما بويىنشا 20 پايىز اقشانى جيناي الاسىز. كەيىن جالداۋ تولەمدەرى شامامەن يپوتەكا بويىنشا تولەمدەرگە تەڭ بولادى.
جيناي الاتىن اقشاڭىز 50000 تەڭگەگە جەتسە، وندا جارنانىڭ اقشاسى 4 جىلدا جينالادى. 100000 تەڭگە مولشەرلەمەسىن الىپ تاستاعاندا، بۇل مەرزىم 2,2 جىلعا دەيىن قىسقارتىلادى. يپوتەكاعا العىڭىز كەلمەسە، پاتەرگە قاجەت 15 ميلليوندى كەم دەگەندە سەگىز جىلدا جيناۋعا بولادى ەكەن.
«باستى قاتە – اسىعۋ»
باسپانا الۋ بويىنشا كەڭەس بەرىپ جۇرگەن بلوگەر داۋلەت تولەۋتاي ۇلىنىڭ ايتۋىنشا، باسپانا الۋدا قازاقستاندىقتاردىڭ باستى قاتەسى - اسىعىستىق.
«ءبىز بارلىعى تەز بولعانىن قالايمىز. قىزبالىقپەن ءۇي الامىن دەپ بىردەن جارنا سالىپ، ءۇي بەرەمىن دەپ جوق بولىپ كەتەتىن نەبىر كومپانيالارعا جولىعامىز. كەيدە ارتى ءبىر جەلى ماركەتينگى نەمەسە پيراميدا بولىپ شىعادى. الاياقتار ادامنىڭ جاندى جەرىن پايدالانادى، «تەزىرەك ءۇيلى بولاسىڭ» دەپ الدايدى. قانشاما ادام سان سوعىپ قالدى. سوندىقتان ءۇي الاردا اسىقپاي، بارلىعىن سارالاپ، نارىقتى زەرتتەپ، جيناعان اقشاڭىزعا ساي نۇسقالاردى قاراستىرۋ قاجەت»، - دەيدى ول.
ونىڭ ايتۋىنشا، قازىرگى ۋاقىتتا ەڭ ىڭعايلىسى - ارتىق تولەم از شىعۋى ءۇشىن باسپانانىڭ 50 پايىزىن جيناۋ.
«وتباسى بانكتە» ۇش جىل بويى باعالاۋ كورسەتكىشىن 16 دان اسىرسا، ارتىق تولەم از بولادى. ءبىراق ءۇش جىل بويى ەشكىم جينامايدى، ول كەزگە دەيىن كىم بار، كىم جوق دەپ جۇرەدى. ءسويتىپ، ون جىل بويى پاتەر جالداپ جۇرەتىندەر بار. مۇندا اقشا جيناپ، ءۇي الامىن دەگەن ماقسات بولۋى كەرەك»، - دەيدى ول.
«قارجى ساۋاتىن ارتتىرۋ ماڭىزدى»
بلوگەر ءۇي ىزدەپ، بانك ارالاپ جۇرگەن تۇرعىندارعا كەڭەسىن بەردى. قازىرگى جاعدايدا حالىق قارجى ساۋاتىن ارتتىرۋى ماڭىزدى ەكەنىن ايتادى.
«بانككە بارعاندا ءبىر نارسە ءبىلىپ بارۋ كەرەك» دەپ ايتامىن. ءار ادام قارجى ساۋاتىن ارتتىرسا ەكەن دەيمىن. ودان كەيىن كەلىسىمشارت دەگەنگە جىتىك ءمان بەرۋ كەرەك. ويتكەنى قول قويعاننان كەيىن ءار ادام جاۋاپكەرشىلىكتى ءوز موينىنا الادى. ءبىز ونى وقىمايمىز، ءۇي بەرسە، كەلىسىم كەلسە بولدى دەيمىز دە، بىرنەشە بەت قاعازعا قول قويا بەرەمىز. كەيىن ءبىر كىلتيپانى شىقسا، كەلىسىمشارتتى سول كەزدە عانا وقي باستايمىز»، - دەپ قورىتىندىلادى ول.
باسپانا الۋدا قانداي زاڭدى قۋلىقتار نەمەسە لايفحاكتار بار؟
بلوگەردىڭ ايتۋىنشا، ريەلتور، نوتاريۋستان اقشا ۇنەمدەۋگە بولادى. سونىمەن قاتار، كوميسسيالاردى دا قاراۋ كەرەك ەكەن.
«بۇگىندە ساقتاندىرۋ، جىلجىمايتىن مۇلىكتى باعالاۋ كومپانيالارى كوپ. مىسالى، ءۇيىمنىڭ قۇنىن انىقتاۋ ءۇشىن باعالاۋشىلارعا حابارلاسقانىمدا، ءبىرى ون مىڭ، ەكىنشىسى توعىز مىڭ سۇرادى. سايىپ كەلگەندە 6 مىڭ تەڭگەگە تاپتىم. سوندىقتان ءاردايىم ىزدەنۋ كەرەك»، - دەيدى ول.
داۋلەت تولەۋتاي ۇلىنىڭ ايتۋىنشا، سالىق كودەكسىندە يپوتەكاعا بەرىلەتىن ۇيلەرگە نوتاريۋستا 4 ا ە ك قانا تولەۋ كەرەك دەگەن زاڭ بار.
«ءۇيدى يپوتەكاعا العىڭىز كەلسە، ساتىپ الۋ-ساتۋ باستالعاندا نوتاريۋسقا مىندەتتى تۇردە ا ە ك تولەيسىز. ت ءۇ ق ج ب- مەن ەكى ءۇي الدىم، بىرىندە ساتىپ الۋ-ساتۋعا 30300 تەڭگەدەي، ال ەكىنشىسىندە 10100 عانا تولەدىم. بىرىنشىسىندە ونداي زاڭنىڭ بار ەكەنىن بىلمەدىم»، - دەيدى بلوگەر.
ءۇيدى ساقتاندىرۋدىڭ دا جولدارىن دۇرىستاپ قاراۋ كەرەك. ونىڭ پايداسى مەن زيانىن جان-جاقتى زەرتتەگەن دۇرىس، دەيدى داۋلەت تولەۋتاي ۇلى. باسپانا ساتىپ الاردا ريەلتورلارعا دا جۇگىنىپ جاتامىز. ءبىراق مۇندا دا ءوزىڭ ىزدەنىپ، اقشا ۇنەمدەۋگە بولادى.