رەجەپ تايپ ەردوعان ا ءو س ش ك سامميتىندە قازاق حالقىنا العىس ءبىلدىردى
«قۇرمەتتى مەنىڭ باۋىرىم قاسىم-جومارت توقايەۆ، قۇرمەتتى مەملەكەت باسشىلارى، قۇرمەتتى ۇكىمەت باسشىلارى! مەن بۇل جەردە ا ءو س ش ك ماجىلىسىنە قاتىسىپ وتىرعانىما قۋانىشتىمىن. توقايەۆ مىرزاعا جەكە جانە بۇكىل قازاق اعايىندارعا وسىنداي قوناقجاي شارا ءۇشىن العىس بىلدىرەمىن. سونداي-اق، وسى ماجىلىسكە قاتىسىپ وتىرعان كۋۆەيتكە قوش كەلدىڭىزدەر دەمەكپىن»، - دەدى تۇركيا باسشىسى.
سونداي-اق، قازاقستان باسشىسىن سامميت وتىرىسىندا قابىلدانعان شەشىمدەرمەن قۇتتىقتادى.
«قۇرمەتتى دوستار، مەن بۇگىنگى سامميت ءبىزدىڭ كەڭەستى حالىقارالىق ۇيىمعا اينالدىرۋ تۋرالى شەشىم قابىلدايتىنىنا وتە قۋانىشتىمىن. قازاقستان پرەزيدەنتىن سونىڭ باسشىلىعىمەن جاسالعان سەنىمدى قادامنىڭ ارقاسىندا كەڭەسىمىزدىڭ تۇرلەنىپ جاتقانىنا وراي قۇتتىقتايمىن. بۇكىل مۇشە ەلدەر كەڭەسىمىزدىڭ تۇرلەنۋى پروتسەسىنە بارىنشا ۇلەس قوساتىنىنا سەنىمدىمىن»، - دەدى رەجەپ تايپ ەردوعان.