ورالمانداردىڭ «اسار» بىرلەستىگى اتىنان ۇسىنىلعان عابجاليلوۆتىڭ كانديداتۋراسى زاڭ تالاپتارىنا سايكەس كەلمەدى

ايتا كەتەيىك، ونىڭ كاديداتۋراسىن 11- قازاندا «ورالمانداردىڭ «اسار» بىرلەستىگى» رەسپۋبليكالىق قوعامدىق بىرلەستىگى ۇسىنعان بولاتىن.

ورتالىق سايلاۋ كوميستسياسىنىڭ مۇشەسى اسىلبەك سماعۇلوۆتىڭ بايانداۋىنشا، حايرۋللا عابجاليلوۆ ق ر پرەزيدەنتتىگىنە كانديدات رەتىندە تىركەلۋ ءۇشىن ءتيىستى بارلىق قۇجاتتاردى تاپسىرعان. كەيىن ۇمىتكەر تۋرالى دەرەكتەردى تەكسەرۋ ءۇشىن ءى ى م، مەملەكەتتىك قىزمەت ىستەرى جونىندەگى اگەنتتىك، ادىلەت مينيسترلىگى جانە قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنەن اقپارات سۇراتىلعان. ناتيجەسىندە كانديداتتىڭ مەملەكەتتىك قىزمەت ءوتىلىنىڭ بولماۋىنا بايلانىستى ورتالىق سايلاۋ كوميستسياسى ق ر كونستيتۋتسيالىق زاڭىنىڭ 54-بابى 7 جانە 3-تارماقتارىنا، سونداي- اق 59-بابىنا سايكەس ق ر پرەزيدەنتتىگىنە كانديدات حايرۋللا عابجاليلوۆ قويىلاتىن تالاپتارعا سايكەس كەلمەيتىنى انىقتالعان.

وسىلايشا، ۇمىتكەردى تىركەۋدەن باس تارتۋ تۋرالى شەشىم كوتەرىلدى. ونى ورتالىق سايلاۋ كوميستسياسىنىڭ مۇشەلەرى ءبىر اۋىزدان ماقۇلدادى.

سونداي- اق، ق ر ورتالىق سايلاۋ كوميستسياسىنىڭ مۇشەسى اسىلبەك سماعۇلوۆتىڭ ايتۋىنشا، ق ر ءى ءى م دەرەكتەرىنە سايكەس، حايرۋللا عابجاليلوۆ ق ر ازاماتى ەمەس جانە قازاقستاندا سوڭعى 24 جىل تۇرماعان.

***

حايروللا ماعاۋيا ۇلى عابجاليلوۆ - 1950-جىلى قاراقالپاقستاندا تۋعان. سۋرەتشى، ساۋلەتشى، قازاقستاننىڭ ءتول ۇلتتىق ۆاليۋتاسى - تەڭگەنىڭ اۆتورلارىنىڭ ءبىرى.

چەحوسلوۆاكيانىڭ پراگا قالاسىندا سۋرەتشى- ساۋلەتشىلەر مەكتەبىن (1975)، سامارقان ساۋلەت- قۇرىلىس ينستيتۋتىن بىتىرگەن (1976). 1980 -جىلى الماتى قالاسىنا كەلىپ، «قازقالاقۇرىلىس- جوبا» مەملەكەتتىك جوبالاۋ ينستيتۋتىندا اعا ارحيتەكتور، توپ جەتەكشىسى، جوبانىڭ باس ارحيتەكتورى قىزمەتتەرىن اتقارعان.

عابجاليلوۆ جوباسى بويىنشا جاڭاتاس، الماتى قالالارىندا ءبىرقاتار عيماراتتار مەن تۇرعىن ۇيلەر سالىندى. 1992 -جىلى عابجاليلوۆ «قازاقستان ديزاين ورتالىعىنىڭ» باس ديرەكتورى بولىپ تاعايىندالدى. ول جەتەكشىلىك ەتەتىن ارناۋلى توپ قازاقستان ۇلتتىق بانكىنىڭ تاپسىرماسىمەن ۇلتتىق ۆاليۋتا - تەڭگەنىڭ ۇلگى- جوباسىن جاساۋ جۇمىستارىن اتقارىپ شىقتى. عابجاليلوۆ 1999 -جىلدان الماتى قۇرىلىس ماتەريالدارى زاۋىتىنىڭ باس ديرەكتورى بولعان.

اۆتور

اليحان اسقار