بالانىڭ وقۋعا ىنتاسىن قالاي اشۋعا بولادى؟

استانا. قازاقپارات- بالانىڭ وي- ءورىسىن، شىعارماشىلىق قابىلەتىن، سوزدىك قورىن، رۋحاني بايلىعىن دامىتۋدا (پايداسىن تىزبەكتەي بەرسەك، ارينە كوپ)، جالپى ادام بولىپ قالىپتاسۋىندا كىتاپتىڭ الار ورنى ەرەكشە.

پسيحولوگتار بالانىڭ كىتاپ وقۋعا دەگەن ماحابباتىن اشۋعا العاشقى 9 جىلىندا ۇلگەرۋ كەرەكتىگىن ايتادى. ارينە، ءاربىر اتا- انا (اسىرەسە قازىر، ينتەرنەت كەڭ ەتەك جايعان زاماندا) بالاسىنىڭ ءبىلىمدى، اقىلدى، كورگەندى ازامات بولىپ وسكەنىن قالايدى. ول ءۇشىن بالانىڭ كىتاپپەن دوس بولۋىنىڭ، جاقسى كورۋىنىڭ ماڭىزى زور. ال بالانىڭ كىتاپقا دەگەن ىنتاسىن اشۋعا، قالاي ارتتىرۋعا بولادى؟

بالا اتا- اناسىنان ۇلگى الادى، سوندىقتان ەڭ الدىمەن كىتاپ وقۋدى ءوزىڭىز ادەتكە اينالدىرىڭىز؛

بالا ومىرگە كەلىسىمەن- اق وعان ەرتەگى، بەسىك جىرىن، باتىرلار جىرىن باسقا دا حالىق اۋىز ادەبيەتىنەن شىعارمالاردى وقىپ بەرۋدى باستاڭىز؛

وقۋعا كۇن سايىن كەم دەگەندە 5-10 مينۋتىڭىزدى جۇمساڭىز؛

كىتاپتى بالانىڭ كوڭىل- كۇيى جاقسى (ۇيقىسى قانىق، قارنى توق) كەزدە وقىعان ابزال؛

بالانىڭ قىزىعۋشىلىعىن ارتتىرۋ ءۇشىن ادەمى سۋرەتتەرى، ءتۇرلى- ءتۇستى بەينەلەرى بار كىتاپتار الساڭىز بولادى؛

ءماتىندى ادەمى داۋىسپەن، ىرعاقپەن، ادەمى كوڭىل- كۇيمەن، ىقىلاسپەن وقىپ بەرىڭىز؛

وقىعان شىعارماڭىزدى تالقىلاڭىزدار، كەيىپكەرلەردىڭ قايسىسى ۇنادى، جاقسى- جامان، دۇرىس- دۇرىس ەمەس، بولادى- بولمايدى دەگەن ۇعىمداردى ءتۇسىندىرىڭىز، بالاڭىزعا سۇراقتار قويىڭىز، قينالىپ جاتسا كومەكتەسىڭىز؛

جاسىنا قاراي بالانىڭ ءاربىر وقىعان ارپىنە، سوزىنە، سويلەمىنە، ءاربىر شىعارماسىنا (اڭگىمە، پوۆەست، ولەڭ ت. ب) ماقتاۋ ايتىڭىز؛

بالادان بىردەن ءبىر كىتاپتى «تاۋىسۋىن» تالاپ ەتپەڭىز؛

كىتاپ وقۋدىڭ ادامعا قانشالىقتى پايدالى ەكەندىگىن ايتىڭىز (كىتاپتى كوپ وقىساڭ ۇلكەن ازامات بولاسىڭ، اقىلدى بولاسىڭ ت. س. س. ).

دەرەككوز: islam.kz