الماتى قالالىق پوليتسيا دەپارتامەنتىنىڭ مالىمەتىنشە، وقيعا تۇركسىب اۋدانىندا بولدى. ش. ەسىمدى ازامات كورشىسىنە تەلەفون سوعىپ، يتكە بىرنەشە كۇن قاراپ بەرۋىن وتىنگەن. اڭگىمە بارىسىندا ول ءوز- وزىنە قول جۇمساعىسى كەلەتىنىن ايتقان.
«مۇنى ەستىگەن ايەل شۇعىل تۇردە «102» نومىرىنە قوڭىراۋ شالدى. ۇيگە پاترۋلدىك جاساق، تەرگەۋ- جەدەل توبى جانە پ د باسشىلىعى كەلدى. ءۇي يەسى ماس كۇيدە بولدى. اسپانعا بىرنەشە رەت وق اتقان. ابىروي بولعاندا، ەشكىم زارداپ شەككەن جوق. ءبىزدىڭ قىزمەتكەرلەر ماس ادامدى ۇستاپ، ونىڭ اتىنا تىركەلگەن تەگىس ۇڭعىلى مىلتىقتى تاركىلەدى»، - دەدى تۇركسىب اۋداندىق پوليتسيا باسقارماسىنىڭ باستىعى ەركىن امانتايەۆ.
مەديتسينالىق تەكسەرۋدەن كەيىن ۇستالعان ادامنىڭ الكوگولدىك ماساڭ كۇيدە بولعانى انىقتالدى. اتالعان دەرەك سوتقا دەيىنگى تەرگەۋدىڭ ءبىرىڭعاي تىزىلىمىنە ق ر ق ك- ءنىڭ 105-بابى 1-بولىگى بويىنشا تىركەلدى.
«ش. ەسىمدى ازاماتقا ىشىمدىكتەن ءماجبۇرلى تۇردە ەمدەلۋ تاعايىندالدى. الدىن الا بولجام بويىنشا، ءوز- وزىنە قول جۇمساۋعا ايەلىنىڭ ۇيىنەن كەتۋى سەبەپ بولعان»، - دەپ اتاپ ءوتتى پوليتسيا وكىلى.
اۆتور
الما مۇقانوۆا