ماراپاتتاۋ سالتاناتىنا موڭعوليا پرەمەر-ءمينيسترىنىڭ ورىنباسارى سايانبۋيان امارسايحان ارنايى كەلسە، قازاقستان تاراپىنان ق ر اقپارات جانە قوعامدىق دامۋ ءمينيسترى دارحان قىدىرالى قاتىستى.
ماراپاتتاۋ شاراسى قازاقستان مەن موڭعوليا اراسىنداعى دوستىق قارىم-قاتىناستىڭ 30 جىلدىعىنا وراي ۇيىمداستىرىلعانىن ايتا كەتۋ كەرەك.
اتاپ ايتساق، حالىقارالىق تۇركى اكادەمياسىنىڭ عىلىمي قىزمەتكەرى، عالىم اقەدىل تويشان ۇلى موڭعوليا پرەزيدەنتىنىڭ جارلىعى بويىنشا «دوستىق» وردەنىمەن ماراپاتتالدى.
«موڭعوليا مەن قازاقستان ىنتىماقتاستىعىنىڭ دامۋىنا قوسقان ەلەۋلى ۇلەسى ءۇشىن حالىقارالىق تۇركى اكادەمياسىنىڭ ساراپشىسى، عالىم اقەدىل تويشان ۇلى موڭعوليانىڭ «دوستىق» وردەنىمەن ماراپاتتالسىن. موڭعوليا پرەزيدەنتى ۋ. ءحۇرەلسۇحتىڭ 124№ جارلىعى ۇلانباتىر قالاسى 2022-جىلعى شىلدە»، - دەپ جازىلعان ماراپاتتاۋ جارلىعىندا.
سونداي-اق، QazaqGeography قوعامىنىڭ اتقارۋشى ديرەكتورى ورمان نۇربايەۆ موڭعوليانىڭ «التىن جۇلدىز» وردەنىنە يە بولدى.
«موڭعوليا مەن قازاقستان قارىم-قاتىناسىنىڭ دامۋىنا قوسقان زور ۇلەسى ءۇشىن QazaqGeography قوعامىنىڭ اتقارۋشى ديرەكتورى ورمان نۇربايەۆ «التىن جۇلدىز» وردەنىمەن ماراپاتتالسىن. موڭعوليا پرەزيدەنتى ۋ. حۇرەلسۇحتىڭ 124№ جارلىعى»، - دەپ جازىلعان قۇجاتتا.