شەيح ءتاميم مەملەكەت باسشىسىن فۋتبولدان الەم چەمپيوناتىنا شاقىردى
«الدىمىزداعى ايدىڭ سوڭىندا قاتاردا فۋتبولدان الەم چەمپيوناتى باستالادى. وسى رەتتە قازاقستاننىڭ فۋتبول جانكۇيەرلەرىن الەمدىك دودانى تاماشالاۋعا شاقىرامىن. سونداي-اق، بۇگىن مەن پرەزيدەنت مىرزاعا دا فۋتبولدان الەم چەمپيوناتىن كورۋگە شاقىرۋىمدى جەتكىزدىم. سول ۋاقىتتا قازاقستاندا پرەزيدەنت سايلاۋى وتەتىندىگىن بىلەمىن. دەگەنمەن، ءسىزدى وسى چەمپيوناتقا كەلەدى دەپ ۇمىتتەنەمىن»، - دەدى قاتار ءامىرى اقوردادا قازاقستان پرەزيدەنتىمەن كەزدەسۋدەن كەيىنگى ب ا ق وكىلدەرىنە ارنالعان بريفينگىدە.
ايتا كەتەيىك، بۇگىن اقوردادا وتكەن شاعىن جانە كەڭەيتىلگەن قۇرامداعى كەلىسسوزدەردەن كەيىن مەملەكەت باسشىسى قاسىم-جومارت توقايەۆ قاتار ءامىرى شەيح ءتاميم بەن حاماد ءال ءتانيدى قازاق-قاتار قارىم-قاتىناسىن تۇراقتى دامىتۋعا ولشەۋسىز ۇلەس قوسقانى ءۇشىن ەلىمىزدىڭ ەڭ جوعارعى ناگراداسى - «التىن قىران» وردەنىمەن ماراپاتتاعان ەدى.