ياعني ونىڭ بولمىسى، ونىڭ ءاربىر جاسايتىن ارەكەتى مەن قىزمەتى، تاپسىرماسى، وقۋى مەن توقۋى، جۇمىسى، وتباسى بولىپ ۇرپاق تاراتۋى ءبارى- ءبارى دە وسى قاتارعا سايادى. ال ماسەلە شە؟ ماسەلە - ءومىر ءسۇرۋدىڭ ەڭ نەگىزگى ءبىر بولىگى دەپ الۋعا بولادى. سەبەبى ادام ميىندا ويلانۋعا تۇرتكى بولاتىن ماسەلە نە الاڭ بولماسا ونىڭ ەشنارسەگە قۇلقى بولمايدى. ماسەلەن، ءسىزدىڭ باسىڭىزدى نە قارىز جوق بولسا، نە ەشقانداي ءبىر ۋايىمدايتىن نارسە بولماسا ءسىز جاتىپىشەردىڭ ناق ءوزى بولاسىز. قازاق «قايعى- مۇڭسىز قارا سۋعا سەمىرگەن» دەپ بەكەر ايتپاسا كەرەك، سەبەبى ەش ۋايىمى جوق ادامنىڭ قارنى توق، ماسەلەسى جوق بولادى. ال ادامدى ويلاندىراتىن، الدەبىر ىسكە ەڭبەك قىلۋعا جىگەرلەندىرەتىن ماسەلە بولماسا، ول ازعىندىققا بارۋى مۇمكىن. ماسەلە سونىمەن قاتار ادامعا جىگەر بەرۋشى بەلگىسىز ءبىر كۇش.
ءبىر مىسال كەلتىرەيىك، ءسىزدىڭ باسىڭىزدى قارىز بار. ادامعا الدە مەملەكەتكە. ءسىز سول قارىزدى قايتارۋ ءۇشىن جۇمىس جاسايسىز، ەڭبەكتەنەسىز. ءبىر سوزبەن بوس ۋاقىتىڭىز بولمايدى. ءسىز قانداي جۇمىس بولماسىن ءبارىن زاڭ جۇزىندە جاساپ، تىنىش ءومىر سۇرۋگە ۇمتىلاسىز. ال بۇل جاقسى. سەبەبى زاڭ اياسىندا جۇمىس ىستەپ، ادال اس ىشسەڭىز ءسىزدىڭ تىنىش ءارى ماسەلەگە تولى ءومىرىڭىزدىڭ بەرەكەسى بار دەگەن ءسوز. تاڭدا ورنىڭىزدان ەرتە وياتىپ الاتىن ماسەلەڭىز بولسا، تۇستە ۇيىڭىزگە جەتۋگە جەتەلەيتىن، قايتىپ كەشكە دەيىن باسىڭىزدى قاتىرىپ جىبەرەتىن، كەش باتسا ۇيىڭىزگە قاراي سۇيرەيتىن، ەرتە جاتۋعا، ەرتەڭگى كۇندى ويلاۋعا ماجبۇرلەيتىن ماسەلەڭىز بولسا قۋانىڭىز، سەبەبى ءسىز شىنايى ءومىر ءسۇرىپ ءجۇرسىز.
Massaget.kz