شي جينپيڭنىڭ قازاقستانعا ساپارى تۋرالى فوتو-دەرەكتەر قىتايداعى كورمەگە قويىلدى

استانا. قازاقپارات - بەيجىڭدە «جاڭا داۋىرگە قادام» كورمەسى ءوتىپ جاتىر.

بۇگىن قىتاي حالىقارالىق باسپا ءسوز ورتالىعىنىڭ كورمەسىنە قاتىسىپ جاتقان جۋرناليستەر كورمەنى ارالادى، دەپ حابارلايدى Baq.kz ءتىلشىسى.

«جاڭا داۋىرگە قادام» كورمەسى بەيجىڭدەگى كورمە ورتالىعىندا ءوتىپ جاتىر. ورتالىق 1954 -جىلى قۇرىلعان.

مۋزەي 200000 شارشى مەتر اۋماقتى الىپ جاتىر.

كورمە قىتايدىڭ جاڭا داۋىردەگى جەتىستىكتەرىنە ارنالعان. ونىڭ جۇمىسى 27-قىركۇيەك كۇنى اشىلعان بولاتىن.

ق ح ر ءتوراعاسى شي جينپيڭ قىتاي كوممۋنيستىك پارتياسىنىڭ (ق ك پ) 20-سەزى قارساڭىندا بەيجىڭ كورمە ورتالىعىندا پارتيا جەتىستىكتەرىن دارىپتەيتىن «جاڭا داۋىرگە قادام» اتتى كورمەنى اشىلۋىندا تاماشالادى.

ق ك پ-نىڭ 20-بۇكىل قىتايلىق سەزىنە دايىندىق جونىندەگى ۇگىت-ناسيحات جۇمىستارىنىڭ ماڭىزدى بولىگى.

مۋزەيدە قىتايدىڭ بارلىق سالاداعى جەتىستىكتەرى ۇسىنىلعان. ول ەكونوميكادان باستاپ دەنساۋلىق، سيفروۆيزاتسياعا دەيىن.

قىتايدا 22 پروۆينسيا بولسا، سول پروۆينسيالاردىڭ قالاي دامىپ جاتقانى، قانداي باعىتتا جەتىستىكتەرى بارى ءدال وسى كورمەدە كورىنىس تاپقان.

سونىمەن قاتار حالىقارالىق قارىم-قاتىناس ناتيجەلەرىنە قاتىستى دا مالىمەتتەر ۇسىنىلعان.

كورمەنىڭ ءبىر بولىگىنەن قىتاي ءتوراعاسى شي جينپيڭنىڭ ش ى ۇ ەلدەرىمەن وتكىزگەن كەزدەسۋلەرى مەن ونلاين فورۋمدارىنان فوتوسۋرەتتەردى كورۋگە بولادى.

ودان بولەك، قىتايدىڭ شەتەلدىك ارىپتەستەرىنىڭ سىيلىقتارى دا وسى كورمەدە.

سونىمەن قاتار كورمەدە قىتاي باسشىسى شي جينپيڭنىڭ پاندەميادان كەيىنگى العاشقى ساپارىنىڭ دا فوتوسۋرەتتەرى ءىلۋلى تۇر.

شي جينپيڭ بيىلدىڭ قىركۇيەك ايىنىڭ 14 ى كۇنى قازاقستانعا مەملەكەتتىك ساپارمەن كەلگەن بولاتىن.

وسى ساپاردان ەلىمىزدىڭ پرەزيدەنتى قاسىم-جومارت توقايەۆتىڭ ق ح ر ءتوراعاسى شي جينپيڭدى جىلى كۇتىپ العانى تۋرالى سۋرەت قويىلعان.

قازاقستان دا «جاڭا قازاقستان» قۇرۋ جولىندا رەفورمالار جاساپ، رەفەرەندۋم وتكىزدى. قازاقستاننىڭ بۇل باستاماسىن شي ءتوراعا جوعارى باعالادى.

ەسكە سالا كەتەيىك، 16-قازاندا قىتاي كوممۋنيستىك پارتياسىنىڭ ⅩⅩ سەزى وتەدى.