قوستانايدا گاشيشتىڭ ءىرى پارتياسى تاركىلەندى
4-قازاندا «قاراسورا-2022» جەدەل- پروفيلاكتيكالىق شاراسىن وتكىزۋ بارىسىندا توبىل قالاسىندا ەسىرتكى قىلمىسى باسقارماسىنىڭ قىزمەتكەرلەرى 37 جاستاعى ازاماتتى ۇستادى.
ءتىنتۋ بارىسىندا ونىڭ كۇرتەشەسىنىڭ ءتوس قالتاسىنان جالپى سالماعى 17,5 گىرام جاسىل ءتۇستى ۇنتاق زاتى بار ءۇش پوليەتيلەن بايلامى تابىلىپ، تاركىلەندى. تۇرعىلىقتى جەرىن ءتىنتۋ كەزىندە گاراجدان سوعان ۇقساس، سالماعى 189,2 گىرام ۇنتاق تابىلدى.
ساراپتاما قورىتىندىسىنا سايكەس، ۇنتاق جالپى سالماعى 206,7 گىرام گاشيش بولىپ شىقتى. وسى فاكتى بويىنشا ق ر ق ك 296-بابى 4-بولىگى (اسا ءىرى مولشەردە ساقتاۋ) بويىنشا سوتقا دەيىنگى تەرگەۋ باستالدى. كۇدىكتىگە قاتىستى بۇلتارتپاۋ شاراسى تاڭدالدى.
بيىل زاڭسىز اينالىمنان 176 كەلى 870 گىرام ەسىرتكى تاركىلەندى. ونىڭ ىشىندە 555 گىرام گەروين، 18 كەلى 486 گىرام گاشيش، 851 گىرام سينتەتيكالىق پرەپاراتتار.