«ەلوردادا 16 ەلدى مەكەندە شامامەن 345 مىڭ ادام تۇرادى - ياعني، استانانىڭ ءاربىر 4- تۇرعىنى. اباتتاندىرۋ ماسەلەلەرىمەن قاتار جۇيەلى ماسەلەلەر دە بار: ەلەكتر، سۋ، كارىز، نوسەر، جىلىتۋ، الەۋمەتتىك نىسانداردىڭ قۇرىلىسى جانە ت. ب.
مەملەكەت باسشىسىنىڭ تاپسىرماسىنا سايكەس ەلدى مەكەندەردى جۇيەلى تۇردە دامىتۋدامىز. ماسەلەن، تۇرعىن الاپتاردى 42 ك م سۋمەن، 17 ك م نوسەر، 11 ك م كارىز، 3,2 ك م استام ەلەكتر جانە 680 ك م گازبەن جابدىقتاۋ جەلىلەرىن سالدىق.
ەلدى مەكەندەردە 4 ءبىلىم بەرۋ نىسانىن، 2 سپورت كەشەنىن، 300 اۋلا مەن قوعامدىق كەڭىستىك جانە ۇزىندىعى 117 ك م- دەن اساتىن 250 كوشەنى جوندەپ، سالدىق، سونىمەن قاتار 3,7 مىڭ جارىقتاندىرۋ تىرەگىن ورناتتىق»، - دەپ جازدى اكىم.
ونىڭ ايتۋىنشا، بۇل جاي عانا ساندار ەمەس، بۇل ەلدى مەكەندەردە تىنىس- تىرشىلىكتى جاقسارتۋعا مۇمكىندىك بەرگەن ۇلكەن جۇيەلى جۇمىستاردىڭ ناتيجەسى.
«ءبىراق، ارينە، بۇل دا جەتكىلىكسىز. ەلدى مەكەندەردى دامىتۋ بويىنشا جۇمىستاردى ءالى دە العاستىرۋدامىز. كەزدەسۋلەردىڭ بىرىندە «ۇركەر» ەلدى مەكەنىنىڭ تۇرعىندارى «سول جاعالاۋدىڭ جارىعىنا تامسانامىز» دەگەن بولاتىن. ءبىزدىڭ ماقساتىمىز - شەت ايماقتاردى ءومىر سۇرۋگە قولايلى ەتۋ. بۇل باعىتتاعى جۇمىستارىمىزدى دا جۇرگىزۋدەمىز.
«اعاش وتىرعىزۋ ۋچاسكەسى» (ل پ ۋ) ەلدى مەكەنىنە جەكە توقتالىپ كەتسەم. بۇل ەلدى مەكەندە 400 دەن استام ادام تۇرادى. كەزدەسۋدە سۋ ماسەلەسى كوتەرىلدى، ويتكەنى بۇل ەلدى مەكەن پايدا بولعالى تۇرعىندارعا ورتالىقتاندىرىلعان سۋ قۇبىرى تارتىلماعان. تۇرعىندار سۋدى تاسۋعا ءماجبۇر، ارينە، بۇل كوپتەگەن قولايسىزدىقتاردى تۋدىرادى. بۇعان دەيىن جوبانى جاساپ، قازىر ورتالىق سۋ قۇبىرى مەن كارىز جەلىلەرىنىڭ قۇرىلىسىن باستادىق»، - دەلىنگەن قالاباسىنىڭ جازباسىندا.
سونىمەن قاتار، كەلەسى جىلدان باستاپ اتالعان ەلدى مەكەندى گازداندىرۋ بويىنشا جوبانى دايىنداۋ جوسپارلانىپ وتىر. سونداي- اق الەۋمەتتىك نىسان (بالاباقشا) سالىنباق.
كەزدەسۋدە باسقا دا ءبىرقاتار ماسەلەلەر قارالدى.