شىعىس قازاقستاندا پوليتسيا قىزمەتكەرى ارىپتەسىن ءولتىردى دەگەن كۇدىكپەن ۇستالدى
10- قازان كۇنى «الماتى-وسكەمەن» تاسجولىنىڭ ۇلان اۋدانىنداعى ۋچاسكەسىندە قىزمەت بابىندا جۇرگەن پوليتسەي كوز جۇمعان.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، اتالعان فاكتى بويىنشا ق ر قىلمىستىق كودەكسىنىڭ 99-بابى 1-بولىگىنە سايكەس سوتقا دەيىنگى تەرگەۋ امالدارى باستالدى.
«قازىرگى ۋاقىتتا ءتيىستى ساراپتامالار تاعايىندالدى. وقيعانىڭ ءمان-جايى انىقتالىپ جاتىر. كۇدىكتى رەتىندە مارقۇممەن بىرگە بولعان 36 جاستاعى ارىپتەسى ۇستالىپ، يزولياتورعا قاماۋعا الىندى. سول جەرگە وبلىس پروكۋرورى، پوليتسيا دەپارتامەنتىنىڭ باستىعى، ىشكى قاۋىپسىزدىك باسقارماسىنىڭ باستىعى جانە ءى ءى م اكىمشىلىك پوليتسيا كوميتەتىنىڭ وكىلى باردى. قىلمىستىق ءىستىڭ تەرگەلۋى ق ر ىشكى ىستەر مينيسترلىگىنىڭ ەرەكشە باقىلاۋىنا الىنعان»، - دەلىنگەن اقپاراتتا.
بەيرەسمي مالىمەتتەرگە سۇيەنسەك، پوليتسەيدىڭ دەنەسى قىزمەتتىك كولىكتەن تابىلعان.