قازاننىڭ 4 نەن باستاپ ەلدە ناننىڭ باعاسى ,9 وسكەن. جالپى قىركۇيەك ايىنا دەيىن اۋىل شارۋاشىلىعى مينيسترلىگى مەن ازىق- تۇلىك كەلىسىمشارت كورپوراتسياسى بيدايدىڭ تونناسىن 90 مىڭ تەڭگەدەن جەتكىزىپ وتىرعان. «ەندى جاڭا ءونىمنىڭ قۇنى وزگەرگەن»، - دەيدى مينيستر. كەلەر جىلدان باستاپ باعانى تۇراقتاندىرۋ ءۇشىن ءتيىستى شارالار قابىلدانادى دەپ جوسپارلانعان.
ەربول قاراشوكەيەۆ، ق ر اۋىل شارۋاشىلىعى ءمينيسترى:
- ناننىڭ قىمباتتاۋىنا بىرنەشە سەبەپ بولۋى مۇمكىن. ەلەكتر ەنەرگياسى، كوممۋنالدىق قىزمەتتەرىنىڭ باعاسى ءوسىپ جاتىر. سوندىقتان دا جالپى باعانىڭ ارتۋى بار. ءبىز ونى بايقاپ وتىرمىز. قاڭتاردان باستاپ باعانى تۇراقتاندىرۋ ءۇشىن بارلىق ءىس- شارانى قابىلدايمىز. جالپى باعانىڭ كۇرت كوتەرىلۋىنە نەگىز جوق. ويتكەنى ۇن وتكەن جىلمەن سالىستىرعاندا مولىنان ءوندىرىلىپ جاتىر. تۇراقتاندىرۋ قورىنا بيىل 1,1 ميلليون توننا استىق جيناۋدى جوسپارلاپ وتىرمىز. ونىڭ 900 مىڭ تونناسى بيداي بولادى.
www.24.kz