4- قازاندا پوليتسياعا 34 جاستاعى جەرگىلىكتى تۇرعىن كەلىپ، «قىپشاق» جايىلىمىنىڭ جانىندا 46 جىلقى جوعالىپ كەتكەنىن حابارلادى. شىعىن 23 ميلليون تەڭگەنى قۇرادى. ەر ادام فەرمادا ءۇش ءۇيىر جىلقى بار ەكەنىن ايتتى. مالدىڭ جۇرگەن جەرىن باقىلاپ وتىرۋ ءۇشىن ءار ۇيىردەگى جىلقىلاردىڭ بىرىنە GPS ترەكەرى بەكىتىلگەن.
قىركۇيەك ايىنىڭ ورتاسىندا جوعالعان ۇيىردە ونداي بەلگى بولماعان. يەسى ىزدەۋدى ءوز بەتىنشە جالعاستىرعان. قىلمىستى اشۋ ءۇشىن پوليتسيا باسقارماسىندا ەكى جەدەل-تەرگەۋ توبى قۇرىلدى. جەدەل جۇمىس ناتيجەسىندە ارقالىق پوليتسەيلەرى ەكى كۇن ىشىندە 46 جانە 47 جاستاعى ەكى كۇدىكتى - اقمولا وبلىسىنىڭ تۇرعىندارىن انىقتادى.
جەدەل ۋاكىلدەر كۇدىكتىلەردىڭ مال ۇرلاۋ ءۇشىن وبلىس اۋماعىنداعى جانە كورشى وڭىرلەردەگى جايىلىمداردى ماقساتتى تۇردە اينالىپ وتكەنىن ايتادى. ەر ادامدار كولىكپەن جانە موتوتسيكلمەن جۇرگەن. تەرىساقان اۋىلىنان 200 شاقىرىم جول ءجۇرىپ ءوتىپ، ولار جىلقىلار شوعىرىن بايقاپ، ونى اقمولا وبلىسىنا ايداپ اكەتۋدى شەشەدى.
دالالىق جولدا جىلقى ۇرلاۋشىلار مالدى قوراعا ايداپ، وندا ءۇيىردىڭ ايعىرىنداعى ترەكەتتى الىپ تاستايدى.
اقمولا وبلىسىندا كۇدىكتىلەر كەلەسى كۇنى مالدى جەرگىلىكتى تۇرعىندارعا ساتىپ ۇلگەرەدى. اتالعان فاكتى بويىنشا ق ك 188-1-بابى «مال ۇرلىعى» بويىنشا سوتقا دەيىنگى تەرگەۋ جۇرگىزىلۋدە.
قامىستى اۋدانىندا دا پوليتسەيلەر قىسقا مەرزىمدە جوعالىپ كەتكەن اعىلشىن-قاراشاي تۇقىمىنىڭ جىلقىسىن تاۋىپ، يەسىنە قايتاردى. اۋىل تۇرعىنى جەرگىلىكتى ۋچاسكەلىك پوليتسيا باۋىرجان نۇرمانوۆتان كومەك سۇراعان. ىزدەۋ ءىس-شارالارى بارىسىندا پوليتسيا قىزمەتكەرى مالدى تاۋىپ، اۋىل تۇرعىنىنا قايتارىپ بەردى.