قازاقستاندىقتار جارتى جىلدا نەشە كەلى ەت تۇتىندى

بۇل تۋرالى قازاقپارات Energyprom.kz سايتىنا سىلتەمە جاساپ حابارلايدى.

«ەلىمىزدە ەتكە دەگەن سۇرانىس تا، ءوندىرىس تە ارتىپ كەلەدى. ءبىرىنشى جارتىجىلدىقتا ءۇي شارۋاشىلىعىنداعى ەت تۇتىنۋ كولەمى 2021-جىلمەن سالىستىرعاندا 2,6 پايىز ارتىپ، جان باسىنا 19,5 كەلىدەن كەلدى. ونىڭ وزىندە اۋىلداعى حالىقتىڭ جان باسىنا شاققاندا 20,9 كەلى، اۋىلداعى حالىقتىڭ جان باسىنا شاققاندا 18,5 كەلى ەت تۇتىنىلعان. قاڭتار-ماۋسىم ارالىعىندا جان باسىنا شاققاندا 12 كەلى سيىر ەتى، 3,2 كەلى جىلقى ەتى جانە 2,6 كەلى قوي ەتى كەلگەن. شوشقا ەتىن تۇتىنۋ كولەمى جان باسىنا شاققاندا 1,7 كەلىدەن بولعان»، - دەپ جازىلعان ساراپتامادا.

رەسۋرستىڭ مالىمەتى بويىنشا، ەت باعاسى ءبىر ايدا 0,6 پايىزدان 1,8 پايىزعا دەيىن، ءبىر جىلدا 7 پايىزدان 15 پايىزعا دەيىن قىمباتتاعان.

ايلىق مەجەمەن العاندا سيىردىڭ سۇيەكتى ەتى 1,8 پايىز، شوشقا ەتى 1,5 پايىز، جىلقى ەتى 1,3 پايىز قىمباتتاعان. تەك قوي ەتى عانا سالىستىرمالى تۇردە باياۋ قىمباتتاپ جاتىر - 0,6 پايىز.

جىلدىق مەجەمەن العاندا بارىنەن دە جىلقى ەتى كوپ قىمباتتاعان - 15 پايىز.

قوي مەن شوشقا ەتى 12,7 پايىز، سيىر ەتى 7 پايىز قىمباتتادى.

«قىركۇيەك ايىندا قازاقستان قالالارىندا سيىردىڭ سۇيەكتى ەتىنىڭ ءبىر كەلىسى ورتا ەسەپپەن 2387 تەڭگە، قوي ەتى 2660 تەڭگە، شوشقا ەتى 2033 تەڭگە، جىلقى ەتى 2932 تەڭگە بولدى»، - دەپ جازادى Energyprom.kz.