نەلىكتەن جاستاردىڭ اراسىندا سترەسس ەلەۋلى ورىن الادى؟ ەڭ الدىمەن، ۇيىندەگى اتا- انالارىنىڭ بالاعا قاتتى سالماق تۇسىرۋىنەن، اۋىر ءسوز سويلەۋىنەن نەمەسە بالاعا مۇلدە ۋاقىت بولمەۋىنەنتۋىندايدى. اتا- انانىڭ ءسوزى بالاعا قاتتى اسەر ەتەدى. «پالەنشەنىڭ بالاسىن قاراشى، ساباعىن جاقسى وقيدى، باۋىرمال، اتا- اناسىنا كومەكتەسەدى»، «نەگە بۇگىن 3 الدىڭ؟ ەشقايدا شىقپايسىڭ، تەك ساباق وقيسىڭ» دەگەن ءتۇرلى سوزدەر بالانىڭ پسيحولوگياسىنا كەرى اسەرىن تيگىزەدى. ءبىرىنشى، اتا-انالارىنا دەگەن سەنىمدىلىگى ازايادى، سول ءۇشىن دە بالا ءوزىنىڭ اناسىمەن اشىق سويلەسە الماي، ءبارىن جاسىرىپ جۇرەدى. ەكىنشىدەن، جانىنداعى ادامدارمەن ءوزى ىلعي سالىستىرىپ جۇرەتىن بولادى. بۇنىڭ ءبارى دە جاسوسپىرىمگە قاتتى تيەدى.
ەگەر بالاعا اناسىنىڭ نەمەسە اكەسىنىڭ ماحابباتى جەتىسپەسە بالا ءوزىن وزگەرتۋى مۇمكىن. اتا-اناسىنىڭ نازارىن الا الماعان بالا ۇيدەن قاشۋ، تامىرىن كەسۋ نەمەسە جابىلىپ قالۋى مۇمكىن. ولاردىڭ نازارىنا ىلىگۋى ءۇشىن قيسىنسىز ءىس- ارەكەتتەرگە بارادى. بۇنداي جايتتار دا جاقسى ناتيجەگە اپارمايدى.
بالا دا وتپەلى جاس ءجۇرىپ جاتىرعان ساتتە جانىنداعى دوستارى، قورشاعان ورتاسى دا ءوز كەسىرىن تيگىزەدى. بالانى كەكەتۋ، ونى مازاق قىلۋ سەكىلدى ءىس- ارەكەتتەر مەن سوزدەر ءجاسوسپىرىمنىڭ وزىنە «كومپلەكس» رەتىندە قابىلدايدى. وسىلايشا، بالا ءوزىنىڭ ساناسىن ۋلاپ قانا قويماي، ءوزىنىڭ سەنىمدىلىگىن جوعالتادى. جانىنداعى دوستارىنا قىزىعىپ قارايتىن بولادى. بالانىڭ تۇيىقتالۋىنا الىپ كەلەدى.
جالپى ۇزاق مەرزىمدى سترەسستىڭ اياعى نە بولادى؟ ارينە، جاستاردىڭ سۋيتسيد جاساۋىنا اكەلىپ سوقتىرۋى مۇمكىن. مىسالى، 2021 -جىلى نازاربايەۆ زياتكەرلىك مەكتەبىندەگى ەر بالانىڭ ءوز- وزىنە قول جۇمساۋى. وقۋشى مەن كۋراتورىنىڭ اراسىنداعى اڭگىمەنىڭ سوڭى وسىنداي جاعدايعا ۇلاستى. سول سەبەپتى دە، مەيىلىنشە، جاسوسپىرىمدەردى سترەسستىڭ تۇبىنە تۇسىرمەۋ كەرەك.
سترەسستىڭ الدىن الۋ شارالارى:
1. بارلىعىنان ءبىر ساتكە باس تارتىپ، دەمالۋ.
2. رەجيمدى دۇرىستاۋ، دۇرىس تاماقتانۋ.
3. ءوزىنىڭ ۇنايتىن، ويىن بولەتىن حوببيلارىمەن اينالىسۋ.
4. ىشىندەگى بولعان جايتتى اشىق ايتا ءبىلۋ، سىرلاسۋ.
قورىتىندىلاي كەلە، جاس جەتكىنشەكتەردىڭ پسيحولوگياسىنا اسا قاتتى ءمان بەرۋىمىز قاجەت. پسيحولوگيا بەي ءجاي قاراي سالاتىن دۇنيە ەمەس. ەرتەڭگى كۇنى بالا ەر جەتكەندە «دەتسكايا تراۆما» بولىپ قالادى جانە ونى جويۋ وتە قيىنعا سوعادى. سوندىقتان، ەرتەڭگى جاستارىمىزدىڭ ءبىلىمدى، سانالى ۇرپاق بولۋىن قامتاماسىز ەتەيىك.