بۇل اقپاراتتى ق ر سىرتقى ىستەر مينيسترلىگى راستادى، دەپ حابارلايدى قازاقپارات ءتىلشىسى.
ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ «ۆلاديمير پۋتيننىڭ ازياداعى ءوزارا ءىس-قيمىل جانە سەنىم شارالارى كەڭەسىنىڭ التىنشى سامميتىنە، تاۋەلسىز مەملەكەتتەر دوستاستىعى (ت م د) مەملەكەت باسشىلارى كەڭەسىنىڭ وتىرىسىنا، «ورتالىق ازيا - رەسەي» سامميتىنە قاتىسۋى جوسپارلانىپ وتىر ما؟» دەگەن سۇراققا جاۋاپ بەردى.
«ءيا، ونىڭ كەلەتىنى راستالدى. ۆلاديمير پۋتين بۇكىل ءىس-شارالارعا – ا و س ش ك سامميتىنە، ت م د وتىرىسىنا جانە «ورتالىق ازيا - رەسەي» سامميتىنە قاتىسادى»، - دەدى ايبەك سمادياروۆ ق ر س ءى م جۋرناليستەرىنە ارنالعان بريفينگتە.
ايتا كەتەيىك، استانادا وتەتىن ا و س ش ك سامميتىنە 11 مەملەكەتتىڭ باسشىلارى قاتىسادى. ولار - ازەربايجان، يراك، يران، قاتار، قىرعىزستان، رەسەي، پالەستينا، تاجىكستان، تۇركيا، وزبەكستان باسشىلارى.
سونىمەن بىرگە، ا و س ش ك باقىلاۋشى مەملەكەت رەتىندە بەلارۋس پرەزيدەنتى دە سامميتكە قاتىسادى.