بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«ساپار بارىسىندا قاتار ءامىرىنىڭ قازاقستان پرەزيدەنتى قاسىم-جومارت توقايەۆپەن كەزدەسۋى جوسپارلانعان. كەلىسسوزدەردە وزەكتى وڭىرلىك جانە حالىقارالىق ماسەلەلەر بويىنشا پىكىر الماسىپ، تاراپتار ەكىجاقتى ينۆەستيتسيالىق جانە ساۋدا- ەكونوميكالىق ىنتىماقتاستىقتىڭ پەرسپەكتيۆالارىن تالقىلايدى»، - دەدى ايبەك سمادياروۆ مينيسترلىكتە وتكەن بريفينگتە.
ساپار اياسىندا ەكى ەلدىڭ ءىرى كومپانيالارىنىڭ قاتىسۋىمەن ينۆەستيتسيالىق فورۋم وتەدى.
بۇعان قوسا، قاتار ءامىرى ازياداعى ءوزارا ءىس-قيمىل جانە سەنىم شارالارى جونىندەگى VI سامميتكە قاتىسادى.
ايتا كەتەيىك، بۇل اپتادا قاتار، تۇركيا جانە تۇرىكمەنستان باسشىلارى قازاقستانعا مەملەكەتتىك ساپارمەن كەلەدى.