بۇل تۋرالى ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.
«ەلىمىزدە JCI حالىقارالىق ستاندارتى اياسىندا قىزمەت كورسەتە الاتىن 10 عا جۋىق كلينيكا بار. ولار مەديتسينالىق قىزمەت ساپاسى بويىنشا حالىقارالىق جوعارى ستاندارتقا سايكەس كەلەدى. الەم بويىنشا ناۋقاستار ءتيىستى مەديتسينالىق قىزمەت ءتۇرىن قاراستىرعان كەزدە، ءبىزدىڭ كلينيكالارعا بايلانىسقا شىعىپ جاتادى»، - دەدى ا. عينيات پارلامەنت ماجىلىسىندەگى ۇكىمەت ساعاتىنان كەيىنگى باسپا ءسوز ءماسليحاتىندا.
وسى ورايدا ول قولايلى باعامەن شەتەلدىڭ مەديتسينالىق تۋريستەرى قازاقستانعا تارتىلىپ جاتقانىن ايتتى.
«بىزدەگى باعا قالتا كوتەرەتىندىكتەن، شەتەل ازاماتتارى ەم قابىلداۋعا كەلىپ جاتادى. پاندەمياعا دەيىن بەس مىڭعا دەيىن شەتەلدىك كارديوحيرۋرگيالىق، نەيروحيرۋرگيالىق، ستوماتولوگيالىق جانە باسقا دا باعىتتاردا ەم الۋعا كەلىپ ءجۇردى. بۇل كلينيكالار مەملەكەتتىك مەكەمەلەر»، - دەدى مينيستر.