بۇل تۋرالى وڭىرلىك كوممۋنيكاتسيالار قىزمەتىنىڭ بريفينگى بارىسىندا قالالىق ادىلەت دەپارتامەنتىنىڭ وكىلدەرى ايتتى، دەپ حابارلايدى قازاقپارات ءتىلشىسى.
الماتى قالاسى ادىلەت دەپارتامەنتىنىڭ زياتكەرلىك مەنشىك قۇقىقتارى ءبولىمىنىڭ باسشىسى ەركەبۇلان جەتپىسبايەۆتىڭ سوزىنشە، ازاماتتارعا قۇقىقتىق ءتۇسىندىرۋ جۇمىستارى مەن قۇقىقتىق كومەك پەن كەڭەس بەرۋ ۆەدومستۆونىڭ ماڭىزدى باعىتتارىنىڭ ءبىرى. اليمەنت ءوندىرىپ الۋ، زەينەتاقى مەن جاردەماقىلار تاعايىنداۋ، اقتاۋ، بوسقىن نەمەسە قانداس مارتەبەسىن الۋ ماسەلەلەرى بويىنشا جەكە تۇلعالاردىڭ، اتا-اناسىنىڭ قامقورلىعىنسىز قالعان كامەلەتكە تولماعانداردىڭ؛ مارتەبەسىنە نەمەسە جاعدايىنا بايلانىستى قۇقىقتارى مەن زاڭدى مۇددەلەرىن قامتاماسىز ەتۋ جانە قورعاۋ ماسەلەلەرى بويىنشا سەكسۋالدىق زورلىق-زومبىلىق، ادام ساۋداسى، تەرروريزم اكتىسى قۇرباندارىنىڭ نە ازاپتاۋلارعا ۇشىراعان قۇربانداردىڭ وتەۋسىز نەگىزدە ادۆوكات كومەگىن الۋعا قۇقىعى بار.
«مىسالى، جىل باسىنان ادۆوكاتتار مەملەكەت كەپىلدىك بەرگەن 10509 ازاماتقا 129913750 تەڭگە سوماسىندا زاڭ كومەگىن تەگىن كورسەتتى. قۇقىق مادەنيەتى» جانە «رۋحاني جاڭعىرۋ» ارنايى جوبالارى اياسىندا ادىلەت دەپارتامەنتى اۋداندىق حالىققا قىزمەت كورسەتۋ ورتالىقتارىندا، الەۋمەتتىك ۇيلەردە، الماتى اۋدان اكىمدىكتەرىمەن بىرلەسىپ 800 مىڭنان استام ازاماتتى قامتي وتىرىپ، 322 ءىس-شارا وتكىزدى»، - دەدى سپيكەر.
ونىڭ ايتۋىنشا، ءىس-شارالار اياسىندا دەپارتامەنت ماماندارى، ادۆوكاتتار «مۇلىك يەلەرىنىڭ بىرلەستىگىن» تىركەۋ، اتقارۋشىلىق جازبا، مۇرانى رەسىمدەۋ، اپوستيل قويۋ، زياتكەرلىك مەنشىك وبەكتىلەرىن تىركەۋ جانە اۆتورلىق قۇقىق پەن تاۋار بەلگىسىن قورعاۋ، شوتتارعا تىيىم سالۋ جانە اتقارۋشىلىق ءىس جۇرگىزۋ ماسەلەلەرى بويىنشا كەڭەس بەرەدى. اتالعان دەپارتامەنتىڭ باسپا ءسوز حاتشىسى الماس بەكبوتايەۆ بارلىق شاراعا زاڭ قوعامداستىعىنىڭ (ادۆوكاتتار، نوتاريۋستار، جەكە سوت ورىنداۋشىلارى جانە زاڭ كونسۋلتانتتارى)، جەكە سوت ورىنداۋشىلارىنىڭ وڭىرلىك پالاتاسىنىڭ، كوشىقون پوليتسياسىنىڭ وكىلدەرى جانە الماتى قالاسى ءماسليحاتىنىڭ دەپۋتاتتارى قاتىساتىنىن ايتتى.
«قۇقىق ءتۇسىندىرۋ جۇمىستارى جوعارى وقۋ ورىندارى جانىنداعى زاڭ كلينيكالارىمەن بىرلەسىپ جۇرگىزىلەدى، ستۋدەنتتەر ءۇشىن قازاقستان رەسپۋبليكاسى زاڭناماسىنىڭ نورمالارىن ءتۇسىندىرۋ بويىنشا سەمينارلار وتكىزىلەدى، سونداي-اق ستۋدەنتتەر العان بىلىمدەرىن پراكتيكادا قولدانۋ ءۇشىن «ادىلەت كەڭەس بەرەدى» اكسياسى شەڭبەرىندە ازاماتتارمەن كەزدەسۋگە شاقىرىلادى»، - دەپ اتاپ ءوتتى ول.
ونىڭ سوزىنشە، قازىرگى ۋاقىتتا، ادىلەت دەپارتامەنتى كوشى-قون پوليتسياسىمەن جانە زاڭ قوعامداستىعىمەن بىرلەسە وتىرىپ الماتى قالاسىنىڭ اۋداندىق ح ق ك و- دا تۇرعىن ءۇيدى جالعا بەرۋ نارىعىنداعى الىپساتارلىق دۇربەلەڭگە بايلانىستى قۇقىقتىق ءتۇسىندىرۋ جۇمىستارىن جۇرگىزۋدە.