بۇل تۋرالى YONHAP اگەنتتىگى ەلدىڭ قورعانىس ۆەدومستۆوسىنا سىلتەمە جاساپ جازدى، دەپ حابارلايدى قازاقپارات.
شتابتار باستىعىنىڭ بىرلەسكەن كوميتەتىنەن ءمالىم ەتكەندەي، بۇل ۇشىرىلىم ەكى اپتا ىشىندە جاسالعان «جەتىنشى اراڭداتۋ». وزگە مالىمەتتەر جاريالانبادى.
ايتا كەتسەك، سەنبى كۇنى وڭتۇستىك كورەيا مەن ا ق ش امەريكا اۆياتاسىمالداعىشى جۇمىلدىرىلعان اسكەري- تەڭىز كۇشتەرىنىڭ وقۋ- جاتتىعۋىن اياقتاعان بولاتىن.
«ءبىر كۇن بۇرىن كورەي حالىق دەموكراتيالىق رەسپۋبليكاسىنىڭ ۇلتتىق اۆياتسيا باسقارماسى پحەنياننىڭ راكەتا سىناقتارى «قورعانىس» بولىپ تابىلاتىنىن مالىمدەگەن ەدى. سەبەبى ا ق ش- تى اسكەري قاۋىپ دەپ ەسەپتەيدى»، - دەپ جازادى YONHAP.
بىرەر كۇن بۇرىن عانا سولتۇستىك كورەيا جاپون تەڭىزىنە قاراي ەكى بالليستيكالىق زىمىران ۇشىرعانىن جازعان بولاتىنبىز.