پوليسياعا بىردەن ەلوردانىڭ بىرنەشە تۇرعىنى حابارلاسىپ، بەلگىسىز بىرەۋلەر مۇستافين كوشەسىندەگى ءۇيدىڭ جانىندا تۇرعان كولىكتەردىڭ تەرەزەلەرىن سىندىرىپ ۇرلىق جاساعانى تۋرالى ارىزدانعان.
جەدەل- ىزدەستىرۋ ءىس- شارالارىن جۇرگىزۋ بارىسىندا ۇرلىق جاسادى دەگەن كۇدىكتى ۇستالدى. ول ەلوردانىڭ 20 جاستاعى تۇرعىنى بولىپ شىقتى.
انىقتالعانىنداي، تۇنگى ۋاقىتتا ساعات 04.30 شاماسىندا قاسكۇنەم ماس كۇيىندە، تۇراقتا تۇرعان «Honda Accord» ماركالى اۆتوكولىكتە دابىل جۇيەسىنىڭ جوقتىعىن بايقاپ، الدىڭعى اينەكتى تاسپەن ۇرىپ سىندىرعان. ول كولىككە كىرىپ، تۇرمىستىق حيميالىق زاتتاردى ۇرلاعان. ءبىراق بۇل وعان جەتكىلىكسىز بولىپ كورىندى جانە ول تاعى ءۇش كولىكتەن ءدال وسىلاي ۇرلىق جاساعان. جاس جىگىت قولىنا تۇسكەننىڭ ءبارىن ۇرلاعان: اۆتوماگنيتولادان باستاپ بالىق اۋلايتىن قارماق پەن كۇننەن قورعايتىن كوزىلدىرىكتەرگە دەيىن الىپ كەتكەن.
اتالعان فاكتى بويىنشا ق ر ق ك 188-بابى بويىنشا سوتقا دەيىنگى تەرگەۋ امالدارى جۇرگىزىلۋدە. ۇستالعان ادام كىناسىن مويىندادى، ول ۋاقىتشا ۇستاۋ يزولياتورىنا قامالدى.