استانادا تۇرعىن ءۇي قۇرىلىسىنىڭ كولەمى قىسقارتىلدى

استانا. قازاقپارات - استانادا تۇرعىن ءۇيدى پايدالانۋعا بەرۋدىڭ بەس جىلدىق جوسپارى ءۇش جىلدا ورىندالدى.

بۇل تۋرالى ەلوردا اكىمى التاي كولگىنوۆ قالالىق ءماسليحاتتىڭ كەزەكتەن تىس وتىرىسىندا باياندادى، دەپ حابارلايدى قازاقپارات ءتىلشىسى.

«ءبىز جىل سايىن 3 ميلليون شارشى مەتردەن استام تۇرعىن ءۇي سالىپ كەلدىك. ءبىراق، بيىل ونىڭ كولەمىن قىسقارتتىق. ءۇش جىلدا 8,5 ميلليون شارشى مەتر سالىنعان، بۇل - بەس جىلدىق جوسپار بولدى. ونىڭ ءبارىن جىلۋمەن، سۋمەن، ەلەكترمەن قامتاماسىز ەتۋىمىز كەرەك. سوندىقتان، ءبىز ۇكىمەتپەن كەلىسىپ، بيىل تۇرعىن ءۇي قۇرىلىسىنىڭ كولەمىن 2 ميلليون شارشى مەترگە دەيىن ازايتتىق»، - دەدى ا. كولگىنوۆ.

اكىم ەلوردالىق قۇرىلىس ۇيىمدارى بيىل 4 ميلليون شارشى مەتر باسپانا سالاتىنىن، ءبىراق الدىمەن سالىنعان ۇيلەردى ينجەنەرلىك ينفراقۇرىلىممەن قامتاماسىز ەتۋ قاجەتتىگىن اتاپ ءوتتى.

سونداي- اق، ا. كولگىنوۆ 2021 -جىلى استانانى دامىتۋدىڭ باس جوسپارىندا 2030 -جىلى ەلوردا حالقىنىڭ سانى 850 مىڭ ادام بولادى دەپ جوسپارلانعانىن ايتتى. 2010 -جىلى بۇل كورسەتكىش تۇزەتىلىپ، 1,2 ميلليون ادام دەپ بولجانعان. بۇل كورسەتكىش ەكى جىل بۇرىن ورىندالدى. بيىل باس جوسپارعا تاعى جاڭا تۇزەتۋلەر ەنگىزىلىپ، قۇجات كۇزدە تالقىلاۋعا شىعارىلادى.