قوستاناي وبلىسىندا استىق جيناۋ ناۋقانى اياقتالدى

«بۇگىنگى تاڭدا ءداندى داقىلدار تولىعىمەن جينالدى - 3 ميلليون 985 مىڭ گەكتار. 5 ميلليون 21 مىڭ توننادان استام بيداي باستىرىلدى. بيىل ءار گەكتاردان 12,6 سەنتنەردەن ءونىم الىندى. وتكەن جىلى بۇل كورسەتكىش 7,5 بولدى. 1,7 ەسەگە جۋىق جوعارى»، - دەدى قوستاناي وبلىسى اكىمدىگىنىڭ اۋىل شارۋاشىلىعى باسقارماسىنىڭ باس مامانى كەنجە جۇماندىقوۆ.

531 مىڭ گەكتار القاپتان مايلى داقىلدار جينالىپ، 300 مىڭ 800 توننا ءونىم جينالدى. ونىمدىلىك گەكتارىنا 5,7 تسەنتنەردى قۇراپ وتىر. مايلى داقىلدار القابىنىڭ 71 پايىزى جينالدى. جيناۋ جۇمىستارى جالعاسىپ جاتىر.

سونداي- اق ۆەدومستۆو كۇزگى دالا جۇمىستارىنا 77 مىڭ ديزەل وتىنى بولىنگەنىن، قازىردىڭ وزىندە وبلىسقا 75 مىڭ توننانىڭ جونەلتىلگەنىن حابارلادى.

«318 كەپتىرۋ قوندىرعىسى دايىندالدى. استىق قابىلداۋ پۋنكتتەرىنە 1 ميلليون 545 مىڭ توننا استىق ءتۇستى، ونىڭ ىشىندە بيداي - 1 ميلليون 180 مىڭ توننا، ونىڭ 95 پايىزى 3 سۇرىپتى بيداي»، - دەپ قوستى ق. جۇماندىقوۆ.