بۇل تۋرالى قازاقپارات ۇيىم سايتىنا سىلتەمە جاساپ حابارلايدى.
جوعارعى ەۋرازيالىق ەكونوميكالىق كەڭەستىڭ 6 - قازانداعى شەشىمى بويىنشا باقىت سۇلتانوۆ قازاقستان رەسپۋبليكاسىنان ەۋرازيالىق ەكونوميكالىق كوميسسيا كوللەگياسىنىڭ جاڭا مۇشەسى (ءمينيسترى) بولىپ تاعايىندالدى. ونىڭ قۇزىرەتىنە ەۋرازيالىق ەكونوميكالىق وداقتىڭ ترانسشەكارالىق نارىقتارىنداعى باسەكەلەستىك جانە انتيمونوپوليالىق رەتتەۋ ماسەلەلەرى كىرەدى.
باقىت سۇلتانوۆ 1971-جىلى 29 - قاراشادا الماتى قالاسىندا تۋعان.
1994-جىلى قازاق ۇلتتىق تەحنيكالىق ۋنيۆەرسيتەتىن «روبوتوتەحنيكالىق كەشەندەر جانە جۇيەلەر» ماماندىعى بويىنشا، 1995-جىلى قازاق مەملەكەتتىك باسقارۋ اكادەمياسىن «بيزنەس جانە مەنەدجمەنت» ماماندىعى بويىنشا ءبىتىردى.
1994-جىلى ق ر قارجى مينيسترلىگى قارجى نارىعىنىڭ باعالى قاعازدار باسقارماسىنىڭ اكسيونەرلەۋ جانە ليتسەنزيالاۋ بولىمىنە جەتەكشى مامان بولىپ جۇمىسقا تۇردى. قارجى مينيسترلىگىندە ءبولىم باستىعى (1995)، باسقارما باستىعىنىڭ ورىنباسارى (1996)، بيۋجەت دەپارتامەنتى ديرەكتورىنىڭ ورىنباسارى (1997)، مەملەكەتتىك ساتىپ الۋ جونىندەگى دەپارتامەنت ديرەكتورى (1998)، قازىناشىلىق دەپارتامەنتى ديرەكتورىنىڭ ورىنباسارى (1999)، بيۋجەت دەپارتامەنتى ديرەكتورىنىڭ ورىنباسارى (2001)، مەملەكەتتىك بيۋجەت دەپارتامەنتىنىڭ ديرەكتورى (2002) قىزمەتىن اتقاردى.
2002-2003-جىلدارى – ق ر ەكونوميكا جانە بيۋجەتتىك جوسپارلاۋ مينيسترلىگى بيۋجەتتىك ساياسات جانە جوسپارلاۋ دەپارتامەنتىنىڭ ديرەكتورى؛
2003-2006-جىلدارى – ق ر ەكونوميكا جانە بيۋجەتتىك جوسپارلاۋ مينيسترلىگىنىڭ ۆيتسە- ءمينيسترى؛
2006-2007-جىلدارى – ق ر ستاتيستيكا اگەنتتىگىنىڭ ءتوراعاسى؛
2007-جىلعى قاڭتار- تامىز – ق ر قارجى ۆيتسە-ءمينيسترى؛
2007-جىلعى تامىزدان باستاپ – ق ر ەكونوميكا جانە بيۋجەتتىك جوسپارلاۋ ءمينيسترى؛
2010-جىلعى ناۋرىزدان باستاپ – ق ر پرەزيدەنتىنىڭ كومەكشىسى؛
2012-جىلعى قاڭتاردان باستاپ – ق ر پرەزيدەنتى اكىمشىلىگى باسشىسىنىڭ ورىنباسارى؛
2013-2014-جىلدارى – ق ر پرەمەر-ءمينيسترىنىڭ ورىنباسارى - قارجى ءمينيسترى؛
2014-2018-جىلدارى – ق ر قارجى ءمينيسترى؛
2018-2019-جىلدارى - استانا قالاسىنىڭ اكىمى؛
2019-2022-جىلدارى – ق ر ساۋدا جانە ينتەگراتسيا ءمينيسترى بولدى.
«قۇرمەت» وردەنىمەن، مەدالدارمەن ماراپاتتالعان.
ەسكە سالساق، 15 - تامىز كۇنى مەملەكەت باسشىسىنىڭ جارلىعىمەن باقىت تۇرلىحان ۇلى سۇلتانوۆ قازاقستان رەسپۋبليكاسى پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى لاۋازىمىنان بوساتىلعان بولاتىن.