ءبىزدىڭ ادەتتەرىمىز بەن قالاۋلارىمىز ءبىزدىڭ قالاي كورىنەتىنىمىزگە تىكەلەي اسەر ەتەدى. ادامداردىڭ ءوز جاسىنان ۇلكەن كورىنۋىنىڭ بىرنەشە كەڭ تاراعان سەبەپتەرىن ۇسىنامىز.
ۇيقىنىڭ جەتىسپەۋى
ۇيقى كەزىندە ميدان باستاپ تەرىگە دەيىنگى اعزانىڭ ءتۇرلى جۇيەلەرى جاڭارادى جانە قالپىنا كەلەدى. ەگەر از ۇيىقتاساڭىز، ول سىرت كەلبەتكە اسەر بەرەدى. Clinical and Experimental Dermatology سايتىندا جاريالانعان امەريكاندىق زەرتتەۋ بويىنشا، ۇيقىسى قانعان ايەلدەردىڭ تەرى بارەرى ۇيقىسى ناشار ايەلدەرگە قاراعاندا 0 عا جاقسى قالپىنا كەلەدى. سونداي-اق جەتكىلىكتى مولشەردە ۇيىقتاعانداردىڭ جاسقا بايلانىستى وزگەرىستەرى ازىراق بىلىنگەن.
سونداي-اق ۇيىقتاعاندا قالاي جاتاتىنىڭىزدا سىرت كەلبەتىڭىزگە اسەر ەتەدى. ىشپەن ۇيىقتاۋ ءاجىم پايدا بولۋىنا ىقپال ەتەدى. جاستىققا جىبەك قاپ العان دۇرىس، ال قالعان ماتەريالدار بەت تەرىسىن زاقىمداۋى مۇمكىن.
ىشىمدىككە سالىنۋ
الكوگول اعزانى سۋسىزداندىرادى، ال ىلعالداندىرۋ - بەت جاستىعىنىڭ جانە بالعىندىعىنىڭ باستى كەپىلى. الكوگولدى سۋسىندار دا ا دارۋمەنىنىڭ دەڭگەيىن تومەندەتەدى. ال ا دارۋمەنى - جاسۋشالاردىڭ جاڭارۋىنا ىقپال ەتەتىن انتيوكسيدانتتار.
سونداي-اق الكوگول قاناعىمدى ارتتىرادى، بەتتەگى قان تامىرلاردىڭ كەڭەيۋىن نەمەسە ءۇزىلۋىن شاقىرادى. بۇل ءوز كەزەگىندە بەتتە قىزىل داقتاردىڭ نەمەسە قاۋىپتى اۋرۋلاردىڭ پايدا بولۋىنا اكەلەدى.
كۇننەن قورعايتىن قۇرال قولدانباۋ
كۇننىڭ استىندا ۇزاق جانە ءجيى بولۋ تەرىگە زيان. سونىڭ سەبەبىنەن ءوز جاسىڭىزدان ۇلكەن كورىنەسىز. ۋاقىت وتە ۋلتراكۇلگىن ساۋلەلەر جاعىمسىز سالدارلارعا - فوتوقارتايۋعا اكەلەدى. بۇل جاعدايدا تەرى قۇرعاپ، وندا ۇساق اجىمدەر پايدا بولادى. بۇل كوللاگەن مولشەرىنىڭ ازايۋىمەن بايلانىستى. كوللاگەن تەرىمىز ىلعال، سەرپىمدى جانە تەگىس بولۋى ءۇشىن قاجەت.
سوندىقتان مىندەتتى تۇردە، ءتىپتى، قىستا دا كۇننەن قورعايتىن قۇرال قولدانىڭىز.
تەمەكى تارتۋ
2013-جىلى ا ق ش- تا وتكىزىلگەن زەرتتەۋ بويىنشا، تەمەكى تارتۋ ادامداردىڭ ءوز جاسىنان ۇلكەن كورىنۋىنە سەبەپشى ەكەنى انىقتالعان. تاجىريبەگە 79 ءبىر جۇمىرتقالىق ەگىز قاتىسقان. ولاردىڭ بىرەۋى وسى زياندى ادەتكە بەرىلسە، ەكىنشىسى ودان الشاق بولعان. ناتيجەسىندە، تەمەكى تارتقان ادامنىڭ بەتىندەگى ءاجىمى مەن ەرىن اينالاسىنداعى سىزىقتارى تەمەكى تارتپايتىن ەگىزىنە قاراعاندا تەرەڭىرەك بولعان. بۇل ونى ەگىزىنە قاراعاندا ۇلكەندەۋ ەتىپ كورسەتكەن.
عالىمدار تەمەكى تارتۋ كەزىندە ۇنەمى قان تامىرلار تارىلاتىندىقتان، ول تەرىنىڭ قارتايۋ پروتسەسىن جىلدامداتاتىنىن ايتادى. ول تەرىگە وتتەك، دارۋمەندەر جانە قورەكتىك زاتتار كەلۋىن شەكتەيدى. سونداي-اق تەمەكى تۇتىنىندە بولاتىن كوسەرۆانتتار تەرى تەگىستىگى مەن سەرپىمدىلىگىنە جاۋاپ بەرەتىن كوللاگەن مەن ەلاستيندى السىرەتەدى.
سالماقپەن بايلانىستى پروبلەمالار
سالماقتىڭ از بولۋى دا، كوپ بولۋى دا ادامنىڭ دەنساۋلىعىنا جانە سىرت كەلبەتىنە جاعىمسىز اسەر ەتەدى. قالىپتى سالماعىن ۇستاپ تۇراتىن ادامدارعا قاراعاندا ۇلعايعان جاستا سالماعىندا قاتتى وزگەرىستەر بولعانداردا قارتايۋ بەلگىلەرى انىعىراق كورىنىپ تۇرادى.
اعزاداعى مايدىڭ قولايلى مولشەرى ۆيزۋالدى تۇردە ءاجىمدى تەگىستەيدى جانە باسقا دا جاس وزگەرىستەرىن جاسىرادى.
بىردەن سالماق قوسىپ الۋ نەمەسە ارىقتاپ كەتۋ تەرىنىڭ ءوز يىلگىشتىگىن جوعالتۋىنا اكەلۋى مۇمكىن. بۇل جاعدايدا ءاجىم جىلدام تۇزىلەدى.
قانتتى كوپ جەۋ
كوللاگەن مەن ەلاستين - بۇل تەرىنى يىلگىش جانە جاس ەتەتىن ەكى قوسىلىس. قانت اعزاعا كوپ مولشەردە تۇسسە، وسى قوسىلىستاردى بۇزادى.
كۇيزەلىس
كۇيزەلىس ءتۇرلى سەبەپتەرگە بايلانىستى پايدا بولادى جانە وعان كوپتەگەن ادامدار شالدىعادى. ءجيى كۇيزەلىسكە شالدىعۋ كوپتەگەن سالدارلارعا، سونىڭ ىشىندە جاسىڭىزدان ۇلكەن كورىنۋىڭىزگە اسەر ەتەدى.
massaget.kz