بۇل تۋرالى قازاقپارات ازەرتاج جانە ارمەنپرەسس اقپارات اگەنتتىكتەرىنە سىلتەمە جاساپ حابارلايدى.
«ارمەنيا مەن ازەربايجان بىرىككەن ۇلتتار ۇيىمىنىڭ جارعىسىنا جانە 1991-جىلعى الماتى دەكلاراتسياسىنا ادالدىعىن تاعى كورسەتە وتىرىپ، ءبىر-ءبىرىنىڭ اۋماقتىق تۇتاستىعى مەن ەگەمەندىگىن مويىندايدى»، دەلىنگەن ەليسەي سارايىنىڭ رەسمي سايتىندا جاريالانعان مالىمدەمەدە.
تاراپتار بۇل دەليميتاتسيا جونىندەگى كوميسسيا قىزمەتىنىڭ نەگىزى بولىپ تابىلاتىنىن جانە كەلەسى وتىرىس قازان ايىنىڭ سوڭىندا بريۋسسەلدە ءوتۋى ءتيىس ەكەنىن ايتتى.
«ارمەنيا ازەربايجانمەن شەكاراسىنا ە و- نىڭ ازاماتتىق ميسسياسىن جىبەرۋگە، ال ازەربايجان بۇل كوميسسيامەن ىنتىماقتاسۋعا كەلىستى. ميسسيا ءوز جۇمىسىن قازان ايىندا باستاپ، 2 اي ىشىندە اياقتايدى»، - دەپ تولىقتىرىلعان مالىمدەمە ماتىنىندە.