«قازىرگى تاڭدا رەسمي ستاتيستيكا بويىنشا پسيحيكالىق دەنساۋلىق ورتالىعىندا 1195 ادام ەسىرتكىگە تاۋەلدى رەتىندە تىركەۋدە تۇر. ونىڭ ىشىندە 6 كامەلەتكە تولماعان جەتكىنشەك بار. ءبىراق بۇل رەسمي ستاتيستيكا. بەيرەسمي ستاتيستيكانى شىعارۋ ءۇشىن وسى ساندى 5-كە كوبەيتۋ كەرەك دەگەن پايىمدار بار»، - دەدى دەپارتامەن وكىلى.
سونداي- اق ول سينتەتيكالىق ەسىرتكى ساۋداسى قالاي ۇيىمداستىرىلاتىنىن ايتتى.
«جالپى سينتەتيكالىق ەسىرتكى ساۋداسى تۇگەلدەي ينتەرنەت ارقىلى ىسكە اسادى. ءبىر توپ ونىڭ جارناماسىنا جاۋاپتى بولادى. ولار سينتەتيكالىق ەسىرتكىنىڭ قانداي ءتۇرىن قاي ورىنداردان الۋعا بولاتىنىن، باعاسىن جابىق مەسسەندجەرلەر ارقىلى جارنامالايدى. تاعى ءبىر توپ ەسىرتكى ازىرلەۋمەن اينالىسادى. ەندى بىرەۋلەر دايىندالعان ەسىرتكىنى بەلگىلەنگەن ورىندارعا جاسىرادى. سونداي- اق ەسىرتكى ساۋداسىنان تۇسكەن زاڭسىز اقشانى زاڭدى اينالىمعا شىعارۋعا جاۋاپتى بۋحگالتەريا ءبولىمى بولادى. بۇل 4 زەرتحانانى دا وسىنداي ۇيىمداسقان توپتار اشقان. ولاردىڭ ۇستىنەن قىلمىستىق كودەكستىڭ 297-بابى بويىنشا قىلمىستىق ءىس قوزعالدى. قازىر ول سوتتا قارالىپ جاتىر»، - دەدى سەرگەي يلينىح.
فوتو: static.bntu.by