دەمالىس كۇندەرى ەلدىڭ سولتۇستىگى مەن شىعىسىندا قار ارالاس جاڭبىر جاۋادى

استانا. قازاقپارات - سينوپتيكتەر دەمالىس كۇندەرى قازاقستانداعى اۋا رايىنا قاتىستى بولجامىن جاريالادى، دەپ حابارلايدى قازاقپارات قازگيدرومەت-كە سىلتەمە جاساپ.

الداعى دەمالىس كۇندەرى قازاقستان اۋماعى بويىنشا باتىستان شىعىسقا قاراي جىلجىعان، ورتالىعى بارەنتس تەڭىزىنىڭ ۇستىندە ورنالاسقان سيكلون وزىمەن بىرگە جاڭبىر اكەلەدى.

ەلدىڭ سولتۇستىك، شىعىس جانە تاۋلى ايماقتارىندا تۇندە جانە تاڭەرتەڭ قار ارالاس جاڭبىر جاۋۋى مۇمكىن. تۇمان ءتۇسىپ، جەل كۇشەيەدى. وڭتۇستىك پەن باتىستا شاڭدى داۋىل تۇرادى. سيكلون ارتىنان ەۋروپا ايماقتارىنان سۋىق انتيسيكلون جىلجىپ كەلەدى. ول جاڭا اپتانىڭ باسىندا رەسپۋبليكانىڭ باتىسىندا، سودان كەيىن سولتۇستىگىندە جاۋىن- شاشىن توقتايدى.

دەمالىس كۇندەرى ەلىمىزدىڭ سولتۇستىگىندە، شىعىسىندا جانە ورتالىعىندا تۇندە اۋا تەمپەراتۋراسى 3 - گرادۋستان 5+ گرادۋسقا دەيىن، كۇندىز 3-13+ گرادۋسقا دەيىنگى ارالىقتى كورسەتەدى.

رەسپۋبليكانىڭ باتىسىندا تۇندە 1-9 گرادۋسقا دەيىن، ال كۇندىز اۋا 15-25 گرادۋسقا دەيىن جىلىنادى.

وڭتۇستىكتە تۇندە 1-6 گرادۋسقا دەيىن جىلى، تاۋلى ايماقتاردا 2-7 گرادۋسقا دەيىن اياز بولادى، ال كۇندىز كۇن 12-20 گرادۋسقا دەيىن جىلى بولادى.