پرەزيدەنت سايلاۋى: قازاقستاننىڭ ازاماتتىق اليانسى توقايەۆتىڭ كانديداتۋراسىن قولدادى
«1- قىركۇيەك كۇنى مەملەكەت باسشىسى ءوز جولداۋىندا كۇزدە پرەزيدەنت سايلاۋى وتەتىنىن ايتقان ساتتەن بەرى ماعان، قازاقستاننىڭ ازاماتتىق اليانسىنىڭ پرەزيدەنتى، ءبىزدىڭ بىرلەستىكتىڭ جوعارى لاۋازىمدى تۇلعاسى رەتىندە كوپتەگەن وتىنىشتەر، تەلەفون قوڭىراۋلارى كەلىپ ءتۇستى. ولار قازىرگى مەملەكەت باسشىسىنىڭ كانديداتۋراسىن ق ر پرەزيدەنتى لاۋازىمىنا ۇسىنۋىمىزدى ءوتىنىپ قانا قويماي، تالاپ ەتۋدە»، - دەدى بانۋ نۇرعازيەۆا ۇيىمنىڭ كونفەرەنسياسىندا.
قازاقستاننىڭ ازاماتتىق اليانسىنىڭ پرەزيدەنتى وڭىرلەردەن كەلىپ تۇسكەن حاتتاردىڭ ءبىرىن وقىدى جانە قازاقستان ازاماتتىق اليانسىنىڭ قاسىم-جومارت توقايەۆتىڭ كانديداتۋراسىن ق ر پرەزيدەنتى لاۋازىمىنا ۇسىنۋدى قولدايتىندارى تۋرالى مالىمدەمەنى كۇن تارتىبىنە شىعاردى.
داۋىس بەرۋ قورىتىندىسى بويىنشا 26 مۇشە-وكىلەتتى وكىلدەردىڭ بارلىعى قولداپ داۋىس بەردى.
بۇعان دەيىن «ارداگەرلەر ۇيىمى» رەسپۋبليكالىق قوعامدىق بىرلەستىگى پرەزيدەنت سايلاۋىنا قاسىم-جومارت توقايەۆتىڭ كانديداتۋراسىن ۇسىنعان ەدى.