«بارىس-4» بازارىن ساتىپ العان. مامىلە شارتىن الماتى مەملەكەتتىك مۇلىك جانە جەكەشەلەندىرۋ دەپارتامەنتى جاساعان. بۇعان دەيىن باس پروكۋراتۋرا بۇل نىسان بەس ەسە تومەندەتىلگەن باعامەن ساتىلعانىن حابارلاعان بولاتىن. نارىقتاعى قۇنى 1,5 ميلليارد تەڭگە بولسا، ول 307 ميلليون تەڭگەگە ساتىلعان.
وسىعان بايلانىستى الماتى پروكۋراتۋراسى وسى شارتتى جارامسىز دەپ تانۋ تۋرالى تالاپ- ارىز تۇسىرگەن.
الماتى قالالىق سوتىنان ءمالىم ەتكەندەي، قۇزىرلى مەملەكەتتىك ورگان زاڭدى تۇلعانىڭ جارعىلىق كاپيتالىنداعى مەملەكەت ۇلەسىن جەكەشەلەندىرۋ كەزىندە زاڭسىز جەڭىلدىكتەر مەن ارتىقشىلىقتار جاساعان. بۇل، پروكۋروردىڭ تالاپ قويۋىنا نەگىز بولعان.
سوتقا دەيىنگى تەرگەۋ بارىسىندا تالاپ- ارىزدا كورسەتىلگەن دەرەكتەر راستالعان. قۇزىرلى ورگان وكىلى جەكەشەلەندىرۋ مامىلەسى مەملەكەت مۇددەسىنە شىعىن كەلتىرە وتىرىپ جاسالعانىمەن كەلىستى.
مامىلەنى جارامسىز دەپ تانۋعا نەگىز بولعان سەبەپ - ساتىپ الۋشىعا زاڭسىز جەڭىلدىكتەر مەن ارتىقشىلىقتار بەرۋ، ونىڭ سوڭى نىسان قۇنىنىڭ تومەندەتىلۋىنە الىپ كەلگەن. «سوتتا مەملەكەتتىك مۇلىكتى ارزانداتىلعان باعامەن ساتۋ دەرەگى راستالدى»، - دەپ حابارلادى قالالىق سوتتىڭ باسپا ءسوز قىزمەتىنەن.
سوتتا ساتىپ الۋ- ساتۋ شارتى جارامسىز دەپ تانىلدى.
«الماتى پروكۋراتۋراسىنىڭ تالاپ- ارىزى قاناعاتتاندىرىلىپ، ساتىپ الۋ- ساتۋ شارتى جارامسىز دەپ تانىلسىن. سوڭعى شەشىم شىعارىلعان كۇننەن باستاپ ءبىر اي ىشىندە سوت شەشىمىنە اپەللياتسيالىق جانە پروكۋرورلىق ءوتىنىشحات بەرۋگە بولادى»، - دەلىنگەن ۇسىنىلعان مالىمەتتە.
سوت شەشىمى زاڭدى كۇشىنە ەنگەن جوق.
اۆتور
الما مۇقانوۆا