قازاقستان مەن رۋمىنيانىڭ ەنەرگەتيكا مينيسترلەرى كەزدەسەدى
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالم ەتتى، دەپ حابارلايدى قازاقپارات ءتىلشىسى.
«وسى جىلدىڭ 6-7 قازانىندا استانا قالاسىندا ساۋدا- ەكونوميكالىق جانە عىلىمي- تەحنيكالىق ىنتىماقتاستىق جونىندەگى قازاقستان- رۋمىنيا ۇكىمەتارالىق كوميسسيانىڭ 16- وتىرىسى وتەدى. قازاقستان تاراپىن ۇكىمەتارالىق كوميسسيانىڭ تەڭ ءتوراعاسى ەنەرگەتيكا ءمينيسترى بولات اقشولاقوۆ، رۋمىن تاراپىن - ەنەرگەتيكا ءمينيسترى ۆيردجيل- دانيەل پوپەسكۋ باسقارادى. ءىس- شاراعا رۋمىنيا ۇكىمەتىنىڭ مۇشەلەرى، ونىڭ ىشىندە رۋمىنيانىڭ ەڭبەك جانە الەۋمەتتىك ىنتىماقتاستىق ءمينيسترى ماريۋس- كونستانتين بۋدەي قاتىسادى»، - دەدى ول مينيسترلىكتە وتكەن اپتالىق بريفينگ بارىسىندا.
ونىڭ اتاپ وتۋىنشە، كوميسسيا وتىرىسى بارىسىندا ۆەدومستۆوارالىق كەلىسىمدەرگە قول قويۋ، سونداي- اق بيزنەس- فورۋم وتكىزۋ جوسپارلانعان.
«رۋمىنيا قازاقستاننىڭ ەۋروپاداعى ماڭىزدى ساۋدا سەرىكتەستەرىنىڭ ءبىرى ەكەنىن اتاپ وتكەن ءجون. 2021 -جىلى تاۋار اينالىمى 1,57 ميلليارد ا ق ش دوللارىن قۇرادى، ونىڭ ىشىندە ەكسپورت - 1,52 ميلليارد دوللارعا جەتىپ، ال يمپورت 48 ميلليون دوللاردى قۇرادى. وسى جىلدىڭ العاشقى 7 ايىندا تاۋار اينالىمى 1,25 ميلليارد ا ق ش دوللارىنا جەتتى. بۇل وتكەن جىلدىڭ سايكەس كەزەڭىمەن سالىستىرعاندا 31 پايىزعا ارتىق»، - دەدى ايبەك سمادياروۆ.