كوپ ءتىل بىلەتىن مينيسترلەردىڭ رەيتينگى جاريالاندى
تىلدەردى ءبىلۋ كورسەتكىشى بويىنشا عىلىم جانە جوعارى ءبىلىم ءمينيسترى نۇربەك ساياسات كوش باستادى. مينيستر جەتى تىلدە - قازاق، ورىس، اعىلشىن، يتاليان، تۇرىك، جاپون جانە لاتىن تىلدەرىندە سويلەيدى.
ەكىنشى ورىندا سىرتقى ىستەر ءمينيسترى مۇحتار تىلەۋبەردى مەن ۇلتتىق ەكونوميكا ءمينيسترى الىبەك قۋانتىروۆ تۇر: ءارقايسىسى بەس تىلدە سويلەيدى.
ۇزدىك ۇشتىكتى ق ر اقپارات جانە قوعامدىق دامۋ ءمينيسترى دارحان قىدىرالى، سيفرلىق دامۋ، يننوۆاتسيالار جانە ايەروعارىش ونەركاسىبى ءمينيسترى باعدات مۋسين جانە ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا تۇيىندەيدى: ءارقايسىسى ءتورت ءتىلدى بىلەدى.
قازاقستاندىق 19 ءمينيستردىڭ 12- ءسى اعىلشىن ءتىلىن بىلەدى.
جالپى، ق ر- دا اعىلشىن ءتىلىن مەڭگەرۋ دەڭگەيى وتە تومەن. EF EPI رەيتينگىندە قازاقستان 2021 - جىلعى ءتىزىمنىڭ سوڭىندا دەرلىك بولدى: الەمدەگى 112 ەلدىڭ ىشىندە 96-ورىندا. ق ر اعىلشىن ءتىلىن وتە تومەن دەڭگەيدە مەڭگەرگەن ەلدەر قاتارىنا جاتقىزىلدى. كورسەتكىش - 426.
ت م د ەلدەرى اراسىندا اعىلشىن ءتىلىن ورتاشا دەڭگەيدە مەڭگەرگەن ەلدەر قاتارىنا مولدوۆا، بەلارۋس، ۋكراينا جانە رەسەي، ال دەڭگەيى تومەن ەلدەر رەتىندە ارمەنيا مەن ازەربايجان كىرەدى. ت م د- نىڭ قالعان ەلدەرى اعىلشىن ءتىلىن مەڭگەرۋدىڭ وتە تومەن دەڭگەيىن كورسەتتى. ولاردىڭ ىشىندە وزبەكستان قازاقستان رەسپۋبليكاسىنان جوعارى، ال قىرعىزستان مەن تاجىكستان تومەن بولدى.
رەيتينگتە ەۋروپا ەلدەرى كوش باستاپ تۇر - نيدەرلاندى، اۆستريا جانە دانيا. سوڭعى ورىندا - يەمەن.
اۆتور
مارلان جيەمباي