قازان ايىنىڭ 4-6 ارالىعىندا استانادا «جاڭا ناقتى جاعدايدا تاۋەلسىز مەملەكەتتەر دوستاستىعىن قۇرۋ جانە پاندەميادان كەيىنگى كەزەڭدەگى ءبىلىم بەرۋ ۇدەرىسىنىڭ ترانسفورماتسياسى» تاقىرىبىندا مۇعالىمدەر مەن باسقا دا ءبىلىم بەرۋ قىزمەتكەرلەرىنىڭ VII سەزى وتەدى.
مۇعالىمدەر سەزى ت م د ءبىلىم مينيسترلەرى كونفەرەنتسياسىنىڭ شەشىمىمەن ەكى جىلدا ءبىر رەت وتكىزىلەتىنىن ەسكە سالا كەتەيىك.
2010-جىلى ت م د- عا مۇشە مەملەكەتتەردىڭ مۇعالىمدەرى مەن ءبىلىم بەرۋ قىزمەتكەرلەرىنىڭ ءبىرىنشى سەزى قازاقستاندا وتكەن بولاتىن.
«قازىرگى ۋاقىتتا ءارتۇرلى ەلدەر مۇعالىمدەرىنىڭ ورتاقتاستىعى مەن بىرلىگى - ءبىلىم بەرۋ سالاسىندا مەملەكەتتەر اراسىنداعى تۇراقتىلىق پەن ىنتىماقتاستىقتى نىعايتۋدىڭ كەپىلى. ت م د ەلدەرىنىڭ ءبىلىم بەرۋ سالاسىنداعى ىنتىماقتاستىق كەڭەسى VII سەزدى قازاقستاندا وتكىزۋ تۋرالى شەشىم قابىلدادى. ءارتۇرلى باعىت بويىنشا بارلىعى 9 تاقىرىپتىق سەكتسيا ۇيىمداستىرىلادى: ءبىلىم بەرۋ مازمۇنى، باعالاۋ، جالپىادامزاتتىق قۇندىلىقتار، مۇعالىمدەردى دامىتۋ، قوسىمشا ءبىلىم بەرۋ، سيفرلىق ترانسفورماتسيا، بالالاردىڭ ءال-اۋقاتى، ينكليۋزيۆتىلىك جانە كاسىپتىك-تەحنيكالىق ءبىلىم. سيفرلاندىرۋ داۋىرىندەگى وقۋ ساۋاتتىلىعى مەن اتا-انالارمەن ءوزارا ارەكەتتەسۋ ماسەلەلەرى دە تالقىلانادى»، - دەدى ورتا ءبىلىم كوميتەتىنىڭ ءتوراعاسى گۇلميرا كارىموۆا.
سەزد اياسىندا پەداگوگيكالىق شەبەرلىك فەستيۆالىنىڭ قورىتىندى كەزەڭى ءوتىپ، بايقاۋدىڭ فيناليستەرى، ياعني ت م د ەلدەرىنىڭ مۇعالىمدەرى ءبىزدىڭ ەلگە كەلەدى. ولار سايىس ساباقتارىن كورسەتەدى. مۇعالىمدەرگە ارنالعان شەبەرلىك ساباقتارى ءۇش نوميناتسيا بويىنشا وتەدى: مۇعالىم، تاربيەشى جانە پسيحولوگ/الەۋمەتتىك پەداگوگ.
سونىمەن بىرگە سەزدە مەكتەپكە دەيىنگى جانە ورتا ءبىلىم بەرۋ، سونداي-اق وقۋ-ادىستەمەلىك كەشەن سالاسىنداعى سيفرلىق جانە باسپا ونىمدەرىنىڭ كورمەسى ۇيىمداستىرىلادى. قازاقستاندىق كاسىپكەرلەر مەن ستارتاپتار وقۋ ورىندارىندا ساباق بەرۋ مەن وقۋدى ءتيىمدى ۇيىمداستىراتىن IT - جوبالارىن تانىستىرادى.