ەلىمىزدە قانشا ادام پاتەرىن زاڭدى تۇردە جالعا بەرەدى

استانا. قازاقپارات - قارجى ۆيتسە-ءمينيسترى ەرجان ءبىرجانوۆ سالىقتان جالتارماي، پاتەرىن جالعا بەرەتىن قازاقستاندىقتاردىڭ سانىن اتادى، دەپ حابارلايدى قازاقپارات ءتىلشىسى.

«تۇرعىن ءۇيدى جالعا بەرۋدىڭ بىرنەشە جولى بار. ءبىرىنشى جول - جەكە كاسىپكەر رەتىندە تىركەلۋ. ەلىمىز بويىنشا وسى جولدى تاڭداپ، جەڭىلدەتىلگەن دەكلاراتسيا مەن پاتەنت تاپسىرىپ جۇرگەن 84 مىڭنان استام ادام بار»، - دەدى ەرجان ءبىرجانوۆ ورتالىق كوممۋنيكاتسيالار قىزمەتىندە وتكەن بريفينگىدە.

سونداي-اق، ول پاتەر جالعا بەرۋدىڭ ەكىنشى جولىن اتادى.

«مۇندا جەكە كاسىپكەر رەتىندە تىركەلۋدىڭ قاجەتى جوق. ەگەر ول وبلىس ورتالىعىندا نەمەسە ءىرى قالالاردا تۇرعىن ءۇي تاپسىرسا، ەسەپ ايىرىسۋ ايىنىڭ باسىنا دەيىن 1 ا ە ك تولەۋى كەرەك. ال، اۋداندىق دەڭگەيدە 0,5 ا ە ك تولەۋى شارت. مۇنداي رەجيمدى پايدالاناتىن 120 مىڭنان استام ادام بار»، - دەپ ءتۇسىندىردى ۆيتسە-مينيستر.

پاتەر جالداۋدىڭ ءۇشىنشى جولىن 2 مىڭعا جۋىق ادام عانا قولدانىپ جۇرگەن كورىنەدى.

«جەكە تۇلعالار تابىسى مۇلىكتىك كىرىسكە تەڭ بولسا، اتالعان كىرىستى ءبىر جىلدان كەيىن دەكلاراتسيالاي الادى جانە جالعا الىنعان سومانىڭ  ىن تولەي الادى. ايتالىق، ەگەر ول ءبىر جىل ىشىندە 2 ميلليون تەڭگەگە تاپسا، ول دەكلاراتسيادا وسى سومانى كورسەتىپ، 200 مىڭ تەڭگە تولەيدى. 2021-جىلدىڭ قورىتىندىسى بويىنشا 2 مىڭعا جۋىق ادام وسى ءتاسىلدى قولداندى»، - دەدى ەرجان ءبىرجانوۆ.