ورتالىق سايلاۋ كوميسسياسى سايلاۋشىلارعا ۇندەۋ جولدادى
ۇندەۋ ءماتىنىن و س ك ءتوراعاسى نۇرلان ءابدىروۆ جاريا ەتتى، دەپ حابارلايدى قازاقپارات ءتىلشىسى.
«سايلاۋعا قاتىسۋعا كونستيتۋتسيالىق قۇقىقتى ىسكە اسىرۋدىڭ كەپىلى ءسىزدىڭ سايلاۋشىلار تىزىمىنە ەنگىزىلۋىڭىز بولىپ تابىلادى. جەرگىلىكتى اتقارۋشى ورگاندار (اكىمدىكتەر) تىزىمدەردى داۋىس بەرۋگە ارنالعان ناقتى ۋچاسكەنىڭ اۋماعىنداعى تۇرعىلىقتى جەرى بويىنشا تۇراقتى تىركەۋ نەگىزىندە جاسايدى. تۇراقتى تىركەۋى جوق ازاماتتار تىزىمدەرگە ولاردىڭ ورنالاسقان جەرى بويىنشا اكىمدىكتەرگە بەرگەن ءوتىنىشىنىڭ نەگىزىندە ەنگىزىلەدى. داۋىس بەرۋ كۇنى ءوزىنىڭ تىركەلگەن جەرى بويىنشا سايلاۋ ۋچاسكەسىنە كەلۋگە مۇمكىندىگى جوق ءاربىر ازامات داۋىس بەرۋ كۇنىنە دەيىن ءبىر ايدان كەشىكتىرمەي نەمەسە 2022-جىلعى 20- قازاندا ءتيىستى اكىمدىككە ءوتىنىش بەرۋگە جانە ءوزىنىڭ ناقتى ورنالاسقان جەرى بويىنشا سايلاۋ ۋچاسكەسىندە تىركەلۋگە قۇقىلى. ءوتىنىش تۇسكەن كەزدە اكىمدىك ازاماتتى تىركەلگەن جەرى بويىنشا سايلاۋشىلار تىزىمىنەن شىعارۋدى جانە ونى داۋىس بەرەتىن ۋچاسكەنىڭ تىزىمىنە ەنگىزۋدى ۇيىمداستىرادى»، - دەلىنگەن نۇرلان ءابدىروۆ جاريا ەتكەن ۇندەۋ ماتىنىندە.
سونىمەن قاتار قۇجاتتا وسى قۇقىقتى:
- ۆاحتالىق ادىسپەن جۇمىس ىستەيتىن ازاماتتار؛
- باسقا قالادان كەلگەن، ارناۋلى ورتا جانە جوعارى وقۋ ورىندارىندا وقيتىن، جاتاقحانادان تىس تۇراتىن ستۋدەنتتەر؛
- داۋىس بەرۋ كۇنى ولار تىركەلگەن جەرىندە بولمايتىنىن بىلەتىن ازاماتتار پايدالانا الاتىندىعى كورسەتىلگەن.
ازامات سايلاۋشىلاردىڭ ءبىر عانا تىزىمىنە ەنگىزىلۋى مۇمكىن. تىركەلۋ ورنى بويىنشا سايلاۋشىلار تىزىمىنە قوسىلۋىن سايت نەمەسە ءتيىستى اكىمدىكتىڭ CALL- ورتالىعى ارقىلى تەكسەرۋگە بولادى. 2022-جىلدىڭ 4- قاراشاسىنان باستاپ سىزگە سايلاۋ ۋچاسكەسىندەگى سايلاۋشىلار تىزىمىنەن ءوزىڭىز تۋرالى مالىمەتتەردى تەكسەرۋگە مۇمكىندىك بەرىلەدى.
«قۇرمەتتى سايلاۋشىلار! قۇقىقتىق ساۋاتتىلىق كورسەتۋگە جانە سايلاۋعا قاتىسۋ قۇقىعىڭىزدى ىسكە اسىرۋعا شاقىرامىز! ءوزىڭىزدى سايلاۋشىلار تىزىمىنە ەنگىزۋ بويىنشا قاجەتتى زاڭدىق ماڭىزى بار ارەكەتتەردى ۋاقتىلى قابىلداڭىز!»، - دەپ اتاپ وتەدى و س ك ءتوراعاسى.