سايلاۋداعى وزگەرىستەر مەن پرەزيدەنت وكىلەتتىگى تۋرالى زاڭ جوباسى سەناتقا جولداندى
ايتا كەتەيىك، «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا مەملەكەت باسشىسىنىڭ 2022-جىلعى 16- ناۋرىزداعى جولداۋىن ىسكە اسىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر كونستيتۋتسيالىق زاڭى جوباسى ەكىنشى وقىلىمدا ماقۇلداندى.
«زاڭ جوباسى مەملەكەت باسشىسىنىڭ 2022-جىلعى 16- ناۋرىزداعى جولداۋىن ىسكە اسىرۋ ماقساتىندا ازىرلەنگەن. زاڭ جوباسى 7 كونستيتۋتسيالىق زاڭعا وزگەرىس ەنگىزۋدى كوزدەيدى. بۇل - «ق ر پرەزيدەنتى تۋرالى»، «ق ر پارلامەنتى تۋرالى»، «ق ر ۇكىمەتى تۋرالى»، «ق ر سايلاۋ تۋرالى»، «رەسپۋبليكالىق رەفەرەندۋم تۋرالى»، «ق ر سوت جۇيەسى مەن سۋديالارىنىڭ مارتەبەسى تۋرالى» جانە «ق ر مەملەكەتتىك رامىزدەرى تۋرالى» زاڭدار»، - دەدى ءماجىلىس دەپۋتاتى، زاڭناما جانە سوت-قۇقىقتىق رەفورما كوميتەتىنىڭ ءتوراعاسى ارمان قوجاحمەتوۆ پالاتانىڭ جالپى وتىرىسىندا.
ونىڭ ايتۋىنشا، زاڭ جوباسى جولداۋدا ايتىلعان پرەزيدەنتتىڭ وكىلەتتىگىن قىسقارتۋعا، بيلىكتىڭ وكىلدى تارماعىن قايتا فورماتتاۋعا، سايلاۋ جۇيەسىن جەتىلدىرۋگە، قۇقىق قورعاۋ ينستيتۋتتارىن كۇشەيتۋگە جانە سايلاۋ پروتسەسىن جاڭعىرتۋعا قاتىستى مەملەكەت باسشىسىنىڭ تاپسىرمالارىن ورىنداۋعا باعىتتالعان.
وسى زاڭ جوباسى ارقىلى مەملەكەت باسشىسىنىڭ پرەزيدەنت وكىلەتتىگىن جۇزەگە اسىرۋ كەزەڭىندە ونىڭ ساياسي پارتياعا مۇشەلىگىنە تىيىم سالۋدى بەلگىلەيتىن تۇزەتۋلەر ەنگىزىلەدى.
سايلاۋدىڭ پروپورتسيونالدى-ماجوريتارلى جۇيەسى ەنگىزىلەدى. ماجىلىستەگى قازاقستان حالقى اسسامبلەياسى كۆوتاسى الىنىپ تاستالادى.
پارلامەنت جانە ءماسليحاتتار دەپۋتاتتىعىنا كانديداتتاردى ءبىرمانداتتى وكرۋگتەر بويىنشا ۇسىنۋ جانە تىركەۋ ءتارتىبى، ولاردى كەرى قايتارىپ الۋ رەتتەلەدى.
سايلاۋعا ىقپال ەتۋدى بولدىرماۋ ماقساتىندا سايلاۋ قورلارىنا قايىرىمدىلىقتىڭ شەكتى مولشەرى بەلگىلەنەدى. سايلاۋعا شەتەلدىك ارالاسۋعا تىيىم سالىنادى.
سونداي-اق، سايلاۋعا بايقاۋشى رەتىندە قاتىساتىن قوعامدىق بىرلەستىكتەردى اككرەديتتەۋ تالاپتارى ەنگىزىلەدى.
اۋداندار مەن وبلىستىق ماڭىزى بار قالالار اكىمدەرىنىڭ سايلانبالىلىعى ەنگىزىلۋدە. اكىمدەردى سايلاۋ تەك باسەكەلى نەگىزدە عانا وتكىزىلەدى.
ۇكىمەتتىڭ زاڭ كۇشى بار ۋاقىتشا اكتىلەر قابىلداۋ قۇقىعى بەلگىلەنەدى.
سونىمەن بىرگە، زاڭ جوباسىن قاراۋ بارىسىندا دەپۋتاتتار 2022-جىلعى 17- قىركۇيەكتەگى كونستيتيۋتسياعا وزگەرىستەردى جۇزەگە اسىراتىن تۇزەتۋلەردى ەنگىزدى.
اتاپ ايتقاندا، پرەزيدەنت تەك ءبىر مەرزىمگە سايلانا الادى جانە ونىڭ وكىلەتتىكتەرى 7 جىلدان اسپاۋى قاجەت.
جۇمىس توبى سايلاۋعا دايىندىق جانە ونى وتكىزۋ كەزىندە ورتالىق سايلاۋ كوميسسياسىنىڭ تاۋارلار مەن كورسەتىلەتىن قىزمەتتەردى ساتىپ الۋ راسىمدەرىنىڭ ءتارتىبىن رەگلامەنتتەۋگە باعىتتالعان ءبىرقاتار تۇزەتۋلەر قابىلداندى.
سايلاۋ كوميسسيالارىنىڭ مۇشەلەرىنە كاسىپكەرلىك قىزمەتپەن اينالىسۋعا تىيىم سالىندى.
«پارلامەنت ءماجىلىسىنىڭ بارلىق تۇراقتى كوميتەتتەرى زاڭ جوبالارى بويىنشا وڭ قورىتىندىلارىن بەردى. مۇددەلى مەملەكەتتىك ورگاندار جانە ۇكىمەتتىك ەمەس ۇيىم وكىلدەرى، عالىمدار مەن ساراپشىلاردىڭ قاتىسۋىمەن زاڭ جوباسىنىڭ تانىستىرىلىمى جانە جۇمىس توبىنىڭ 8 وتىرىسى وتكىزىلدى. جۇمىس توبىنىڭ بارلىق مۇشەلەرى ارىپتەستەرىمىزگە مەمورگان وكىلدەرىنە، اپپارات قىزمەتكەرلەرىنە زاڭ جوباسى بويىنشا اتقارىلعان اۋقىمدى جۇمىس ءۇشىن العىسىمدى ايتامىن. ايتىلعانداردى ەسكەرە وتىرىپ، بۇل زاڭ جوباسىن ەكىنشى وقىلىمدا ماقۇلداپ، سەنات قاراۋىنا جولداۋدى ۇسىنامىز»، - دەدى ارمان قوجاحمەتوۆ.