بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق استانا قالاسى بويىنشا فيليالى ديرەكتورىنىڭ ورىنباسارى دينارا قۋانىشيەۆا ايتتى.
«شەتەلدىك ازاماتتاردىڭ حالىققا قىزمەت كورسەتۋ ورتالىقتارىنا جۇگىنۋىنىڭ ۇلعايۋىنا بايلانىستى «ازاماتتارعا ارنالعان ۇكىمەت» مەملەكەتتىك كورپوراتسياسى ساۋران، 7 مەكەنجايىندا ورنالاسقان 20 جۇمىس ورنىنا قوسىمشا سەكتور اشۋ تۋرالى شەشىم قابىلدادى»، - دەدى دينارا قۋانىشيەۆا ەلوردا اكىمدىگىندە وتكەن بريفينگتە.
سونداي-اق، سپيكەردىڭ ايتۋىنشا، ا-82 كوشەسىندە ورنالاسقان «نۇرلى جول» تەمىرجول ۆوكزالىندا 15 جۇمىس ورنى بار كوشى-قون قىزمەتى سەكتورى جۇمىس ىستەيدى.
«ج س ن قىزمەتىن الۋ ءۇشىن كورسەتىلەتىن قىزمەتتى الۋشىنىڭ وزىمەن بىرگە جەكە باسىن كۋالاندىراتىن قۇجاتى، ءۇشىنشى تۇلعا جۇگىنگەن جاعدايدا نوتاريالدى كۋالاندىرىلعان سەنىمحاتى بولۋى قاجەت. قىزمەت كورسەتۋ مەرزىمى - 1 جۇمىس كۇنى»، - دەيدى د. قۋانىشيەۆا.
بۇعان دەيىن استانا قالاسىنىڭ پوليتسيا دەپارتامەنتى كوشى-قون قىزمەتى باسقارماسىنىڭ باستىعى ارمان بايمۇحانبەت جىل باسىنان بەرى استاناعا قانشا شەتەلدىك ازامات كەلگەنىن جاريالاعان ەدى.
ال شەتەلدىكتەردى قابىلدايتىن جەكە جانە زاڭدى تۇلعالار كەلۋشىلەرى تۋرالى ىشكى ىستەر ورگاندارىنا حابارلاۋى ءتيىس. زاڭ بۇزعاندارعا ايىپپۇل قاراستىرىلعان.
سونداي-اق، 96 ادام بوسقىن مارتەبەسىن الۋ ءۇشىن استانا اكىمدىگىنە جۇگىنگەن.