بۇل تۋرالى ق ر سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە- ءمينيسترى اسەت تۇرىسوۆ ايتتى، دەپ حابارلايدى قازاقپارات ءتىلشىسى.
«قازىرگى كەزدە ەلىمىزدە رەزيدەنت ەمەس ادامدارعا ج س ن بەرۋ ەڭبەك شارتتارىن بەكىتۋ، كورسەتىلگەن قىزمەتتەر ءۇشىن قاراجات الۋعا، اكىمشىلىك جازاعا تارتۋعا، سالىق ەسەپتىلىگىن جۇرگىزۋگە، سونداي- اق ءتۇرلى بانك وپەراتسيالارىن جۇرگىزۋ ءۇشىن كەرەك. قازاقستان رەسپۋبليكاسىندا ۋاقىتشا بولاتىن شەتەلدىكتەر مەن ازاماتتىعى جوق ادامدارعا ج س ن بەرۋ قىزمەتى «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى كورسەتىلەتىنىن اتاپ وتكىم كەلەدى. ج س ن 1 جۇمىس كۇنى ىشىندە دايىندالادى. بەيرەزيدەنتتىڭ قولىندا پاسپورت بولۋى قاجەت، ونىڭ وكىلى جۇگىنگەن جاعدايدا نوتاريالدى كۋالاندىرىلعان سەنىمحات قاجەت»، - دەدى اسەت تۇرىسوۆ ورتالىق كوممۋنيكاتسيالار قىزمەتىندە.
وسى وراي ول سوڭعى كۇندەرى قازاقستانعا كەلىپ جاتقان رەسەي ازاماتتارىنىڭ سانى ارتقانىن ەسكە سالدى. ر ف ازاماتتارى بەيرەزيدەنتكە ارنالعان ج س ن الۋ ءۇشىن جاپپاي ح ق ك و- عا بارىپ جاتىر. سونىڭ سالدارىنان ح ق ك و- لارعا جۇكتەمەنىڭ ارتقانى بايقالىپ وتىر.
«قازىرگى ۋاقىتتا ج س ن الۋ ءۇشىن كەلگەن رەسەيلىكتەردىڭ باسىم بولىگى استانا مەن الماتىدا جانە شەكارالاس قالالاردا كوپ بايقالعان. كەشە عانا ەلىمىز بويىنشا 13 مىڭنان استام ءوتىنىم قابىلداندى. وسىعان دەيىن شامامەن مۇنداي كورسەتكىشتەگى ءوتىنىمدى ءبىر اي بويى قابىلدايتىنبىز»، - دەدى ۆيتسە- مينيستر.