ەشقانداي پارتيادا جوق كانديدات پرەزيدەنت سايلاۋىنا قالاي قاتىسا الادى
بۇل ساۋالعا ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ جاۋاپ بەردى، دەپ حابارلايدى قازاقپارات ءتىلشىسى.
«بۇل ساۋالدىڭ جاۋابى «سايلاۋ تۋرالى» كونستيتۋتسيالىق زاڭنىڭ 55-بابى 3-تارماعىندا ناقتى ايتىلعان. پرەزيدەنتتىككە كانديداتتاردى رەسپۋبليكالىق قوعامدىق بىرلەستىكتەر اتىنان ولاردىڭ جوعارى ورگاندارى ۇسىنادى. ياعني رەسپۋبليكالىق قوعامدىق بىرلەستىك سەزد نەمەسە كونفەرەنتسيا تۇرىندەگى جوعارى ورگان بولۋى مۇمكىن. قوعامدىق بىرلەستىك وكىلدەرى ونىڭ مۇشەسى بولىپ تابىلمايتىن ادامدى كانديدات رەتىندە ۇسىنۋعا قۇقىلى» - دەپ ءتۇسىندىردى كونستانتين پەتروۆ و س ك- دا وتكەن باسپا ءسوز ءماسليحاتىندا.
ونىڭ ايتۋىنشا، پارتيا قۇرامىندا جوق ازامات پرەزيدەنت سايلاۋىندا كانديدات بولا الادى.
«كانديداتتىڭ بەلگىلى ءبىر ساياسي پارتيا اتىنان سايلاۋعا ءتۇسۋى ءۇشىن اتالعان پارتيانىڭ مۇشەسى بولۋى مىندەتتى ەمەس»، - دەيدى ول.
ايتا كەتسەك، ق ر پرەزيدەنتى سايلاۋىنا قاتىساتىن كانديداتتارعا بەرىلەتىن قول جيناۋ پاراعىن بەرۋ ۋاقىتى قىسقاردى.
سونداي- اق، سايلاۋ بيۋللەتەنىندە بولاتىن بارلىق كانديداتقا قارسى داۋىس بەرۋ باعانىنا قاتىستى تۇسىنىك بەرىلدى.
ودان بولەك، وسك پرەزيدەنت سايلاۋى كەزىندە مۇگەدەك جانە ەرەكشە كۇتىمدى قاجەت ەتەتىن جاندارعا جاعداي جاساۋ تۋرالى قاۋلىنى بەكىتتى.