قانات يسلامنىڭ شارشى الاڭعا ناقتى قاشان ورالاتىنى بەلگىلى بولدى

استانا. قازاقپارات - قازاقستاندىق كاسىپقوي بوكسشى قانات يسلامنىڭ (28-1، 22 ك و) شارشى الاڭعا قاشان ورالاتىنى ناقتى بەلگىلى بولدى، دەپ حابارلايدى Vesti.kz ءتىلشىسى.

يسلامنىڭ باپكەرى رودجەر رومانىڭ ايتۋىنشا، وتانداسمىز شارشى الاڭعا 8-قازان كۇنى ورالادى.

بۇل يسلام ءۇشىن كارەراسىنداعى ءبىرىنشى جەڭىلىسىنەن كەيىنگى العاشقى ايقاسى بولادى.

ەسكە سالايىق، اقپان ايىندا ول پلانت-سيتي (فلوريدا شتاتى، ا ق ش) قالاسىندا ۇلىبريتانيالىق دجيممي كەلليدەن (26-2, 10 كو) تورەشىلەر شىعارعان 95-95، 96-94، 97-93 ەسەبىمەن جەڭىلگەن ەدى.