قىزىلوردا كوپبەيىندى وبلىستىق بالالار اۋرۋحاناسىنىڭ جان ساقتاۋ بولىمىنە دەنەسىنىڭ 65-70 پايىزىن كۇيىك شالعان 7 جاستاعى بالا تۇسكەن. گازعا كۇيىپ قالعان جەتكىنشەكتىڭ جاعدايى وتە اۋىر بولعان.
«وعان تەز ارادا مامانداندىرىلعان مەديتسينالىق كومەك قاجەت بولدى. بالانىڭ كۇيىگى تەرەڭ، كولەمى ۇلكەن ەدى. وتا جاسايتىن ايماققا تەرى جەتىسپەيتىنى انىقتالدى. وسىعان بايلانىستى استانا قالالىق №2-بالالار اۋرۋحاناسىنان كومبۋستيولوگ دارىگەر ب. ساعيدوللا شاقىرتىلدى. ول بالانىڭ كۇيىكتى جاراسىنىڭ ءبىرشاما بولىگىنە اۋتودەرماپلاستيكا وتاسىن جاسادى. وتاعا كوپبەيىندى وبلىستىق بالالار اۋرۋحاناسىنىڭ دارىگەرلەرى دە قاتىسىپ، بىلىكتىلىگىن ارتتىردى. وتانىڭ ەكىنشى كەزەڭى ەندى 10 كۇننەن سوڭ جاسالادى دەپ جوسپارلانۋدا»، - دەپ مالىمدەدى قىزىلوردا كوپبەيىندى وبلىستىق بالالار اۋرۋحاناسىنان.