ق ر پرەزيدەنتى ءىس باسقارماسىنا قاراستى ۆەدومستۆولار اراسىندا ۇستەل تەننيسىنەن تۋرنير ءوتىپ جاتىر
جىل سايىنعى ءداستۇرلى سپارتاكيادانىڭ وسى كەزەڭىندە ءارقايسىسى 3 ادامنان تۇراتىن 12 كوماندا ءوزارا تارتىسقا تۇسەدى. جەڭىمپاز جانە جۇلدەگەر كوماندالاردان بولەك، «ەرلەر اراسىنداعى ۇزدىك ويىنشى»، «قىزدار اراسىنداعى ۇزدىك ويىنشى» جانە «شەبەر ويىنشى» اتالىمدارى بويىنشا ۇزدىك شىققاندار ماراپاتتالادى. جالپى، بۇگىنگى سايىسقا 60-قا جۋىق ادام قاتىسىپ وتىر.
ق ر پرەزيدەنتىنىڭ ءىس باسقارماسى اپپاراتىنىڭ باسشىسى مۇرات دارىبايەۆ وسىنداي جارىستاردى وتكىزۋ داستۇرگە اينالعانىن ايتتى. بيىل التى سپورت تۇرىنەن تۋرنيرلەر ۇيىمداستىرىلعان.
«بۇگىن ۇستەل تەننيسىنەن تۋرنير ءوتىپ جاتىر. اتاپ ايتقاندا، بۇل وتە جاقسى ءداستۇر، ويتكەنى مۇنداي سايىستار بارشامىزدى بىرىكتىرەدى. ءتۋرنيردى لايىقتى دەڭگەيدە وتكىزىپ، ناعىز مىقتىلار جەڭىمپاز اتانسىن دەپ تىلەيمىن»، - دەدى م. دارىبايەۆ.
وليمپيادا چەمپيونى سەرىك ساپييەۆ پەن گيننەسس رەكوردتار كىتابىنا كىرگەن، الىپ كۇش يەسى سەرگەي تسىرۋلنيكوۆ جارىستىڭ ءقادىرلى قوناعى رەتىندە شاقىرىلدى.
سەرىك ساپيەۆ ەلىمىزدىڭ اۋماعىندا سپورتتى ناسيحاتتايتىن ءىس-شارالاردى ۇيىمداستىرۋ وتە ماڭىزدى ەكەنىن اتاپ ءوتتى.
«مەملەكەت باسشىسى بۇقارالىق سپورتتىڭ، ۇجىم ىشىندەگى، قاراپايىم جۇمىسشىلار اراسىنداعى سپورتتىڭ دامۋىنا ايرىقشا كوڭىل ءبولىپ وتىر. وسى ورايدا سپورتشىلار اتىنان مۇنداي ءتۋرنيردى ۇيىمداستىرعانى ءۇشىن ق ر پرەزيدەنتى ءىس باسقارماسىنا العىس ايتامىز. پرەزيدەنت تەننيستى جاقسى مەڭگەرگەنىن بىلەسىزدەر. سوڭعى جىلدارى ەلىمىزدە ۇستەل تەننيسىنىڭ دامۋىنا تىڭ سەرپىن بەرىلدى. قازىرگى كەزدە بالالار اراسىندا جاقسى ناتيجەلەردى كورىپ جاتىرمىز. جەرگىلىكتى اتقارۋشى ورگاندار مەن فەدەراتسيانىڭ قولداۋى ارقاسىندا بالالار ۇستەل تەننيسىنە كوپتەپ تارتىلىپ جاتىر»، - دەدى ۇلتتىق وليمپيادا كوميتەتى باس حاتشىسىنىڭ ورىنباسارى س. ساپيەۆ.
ءوز كەزەگىندە سەرگەي سىرۋلنيكوۆ وسىنداي تۋرنيرلەر ەلىمىزدە سپورتتى دامىتۋعا ەرەكشە ىقپال ەتەتىنىن ايتتى.
«جاڭا قازاقستاندى بارلىعىمىز جۇمىلا قۇرىپ جاتىرمىز. سوندىقتان ەلىمىزدە دەنساۋلىعى مىقتى، سپورتقا ۋاقىت بولەتىن ادامدار كوپ بولۋى كەرەك. وسىنداي ءىس- شارالار سالاۋاتتى ءومىر سالتىن ناسيحاتتاۋعا ىنتالاندىرادى. ياعني بالالاردى، جالپى ەلدى مەكەن تۇرعىندارىن سپورتقا تارتۋعا اسەر ەتەدى. مۇنداي سايىستاردا ادامدار بۇقارالىق سپورتتى دامىتۋعا ءوز ۇلەسىن قوسا الادى. مەنى وسىنداي جارىستارعا ءجيى شاقىرادى. بۇل تۇرعىدا ەلىمىزدە مۇنداي سايىستار جىل سايىن ارتىپ كەلە جاتقانىن بايقاپ وتىرمىن»، - دەدى سەرگەي سىرۋلنيكوۆ.
سونىمەن قاتار س. ساپيەۆ پەن س. سىرۋلنيكوۆ ۇستەل تەننيسى سايىسىنا قاتىستى.
ايتا كەتەيىك، بۇگىنگى تۋرنيرگە قازاقستان رەسپۋبليكاسى پرەزيدەنتىنىڭ ءىس باسقارماسى، قازاقستان رەسپۋبليكاسى پرەزيدەنتىنىڭ تەلەراديوكەشەنى، «ق ر پ ءى ب ينجەنەرلىك- تەحنيكالىق ورتالىعى» ش ج ق ر م ك، «مەملەكەتتىك رەزيدەنتسيالار ديرەكتسياسى» ر م ك، «بۇركىت» مەملەكەتتىك اۆياكومپانياسى» ر م ك، «بۋراباي دامۋ» ج ش س، ق ر پ ءى ب مەديتسينالىق ورتالىعى، «استانا-20» مەملەكەتتىك قورى، «ق ر پ ءى ب «ق ر پرەزيدەنتىنىڭ اكىمشىلىگى مەن ۇكىمەتىنىڭ اكىمشىلىك عيماراتتارى ديرەكتسياسى» شارۋاشىلىق جۇرگىزۋ قۇقىعىنداعى ر م ك، «قازقۇرىلىس جۇيەسى» ج ش س، «ق ر پ ءى ب اۆتوشارۋاشىلىعى» ر م ك، «ماتەريالدىق- تەحنيكالىق قامتاماسىز ەتۋ باسقارماسى» مەملەكەتتىك مەكەمەسى اتىنان كوماندالار قاتىسىپ جاتىر.
تۋرنير سۋدياسى انگەلينا اندرەيەۆنا ويىن ەرەجەسىن ءتۇسىندىرىپ بەردى. 12 كوماندا ءتورت توپقا ءبولىنىپ جارىسادى. ءار توپقا ءۇش كوماندادان كىرەدى. وسىدان كەيىن كوماندالار فينالعا شىعادى.