كىناسىز ادام قىلمىستىق جاۋاپكەرشىلىككە تارتىلماۋى ءتيىس - ىشكى ىستەر ءمينيسترى
ءىء ى م كولىكتەگى پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، ىشكى ىستەر ءمينيسترى پرەزيدەنت قاسىم-جومارت توقايەۆتىڭ ىشكى ىستەر ورگاندارىنىڭ الدىنا قويعان باسىم مىندەتتەرىنە توقتالدى.
«اۋقىمدى رەفورمالاردى جۇزەگە اسىرا وتىرىپ، قۇقىق قورعاۋ جۇيەسىن دايەكتى تۇردە ترانسفورماتسيالاۋ نەگىزگى باعىت بولىپ تابىلادى»، - دەدى ءى ءى م باسشىسى.
ول قىلمىستىق جانە قىلمىستىق ءىس جۇرگىزۋ زاڭنامالارىن جەتىلدىرۋ، قىلمىستىق ۇدەرىستى سيفرلاندىرۋ جاعدايىندا قىزمەتكەرلەردىڭ كاسىبي دەڭگەيىن ارتتىرۋ ۇزدىكسىز تالاپ ەتىلەتىنىنە نازار اۋداردى.
«ءىستى تەرگەۋ كەزىندە تەرگەۋشى بولعان وقيعانىڭ شىنايى بەينەسىن انىقتاۋعا مىندەتتى. وقيعا ورنىن دۇرىس تەكسەرۋ - قىلمىستىق ءىس بويىنشا دالەلدەردىڭ نەگىزگى كوزى جانە ءساتتى تەرگەۋدىڭ كەپىلى. كىناسىز ادام قىلمىستىق جاۋاپكەرشىلىككە تارتىلماۋى ءتيىس»، - دەپ اتاپ ءوتتى مارات احمەتجانوۆ.
ءمينيستردىڭ پىكىرىنشە، ادەپتىلىك پەن قۇزىرەتتىلىك - پوليتسيا قىزمەتكەرىنىڭ ەڭ ماڭىزدى قاسيەتتەرى.
سەمينار- ترەنينگتە سونداي-اق ءى ءى م تەرگەۋ دەپارتامەنتىنىڭ باستىعى سانجار ءادىلوۆ، كولىكتەگى پوليتسيا دەپارتامەنتىنىڭ باستىعى وڭال بەكەيەۆ جاس ءتارتىپ ساقشىلارىنا تەرگەۋ جۇمىسىنىڭ ەرەكشەلىكتەرى جونىندە ايتىپ بەردى.
ترەنينگكە ءىىم، استانا قالاسى، اقمولا، قاراعاندى جانە پاۆلودار وبلىستارى پوليتسيا دەپارتامەنتتەرىنىڭ قىزمەتكەرلەرى، پروكۋراتۋرا وكىلدەرى، ءبىرقاتار ج و و ستۋدەنتتەرى قاتىسىپ، پىكىر الماستى.