قازاقستان مەن رەسەي اراسىنداعى تاۋار اينالىمى ارتۋدا
مۇنداي دەرەكتى «ەكونوميكالىق زەرتتەۋلەر ينستيتۋتى» ا ق ۇسىنىپ وتىر، دەپ حابارلايدى قازاقپارات ءتىلشىسى.
«ەكونوميكالىق زەرتتەۋلەر ينستيتۋتى» ا ق ورتالىعىنىڭ ديرەكتورى دولورەس تولەبەكوۆانىڭ اتاپ وتۋىنشە، قازاقستان مەن رەسەي ستراتەگيالىق سەرىكتەستەر بولا وتىرىپ، ءتيىستى كەلىسىمدەر اياسىندا وزدەرىنە قابىلداعان مىندەتتەمەلەرىن ورىنداۋعا مىندەتتى. ەۋرازيالىق ەكونوميكالىق وداق تۋرالى شارت نەگىزىندە تاۋارلار، قىزمەتتەر، كاپيتال جانە جۇمىس كۇشىنىڭ ەركىن قوزعالىسى قامتاماسىز ەتىلەدى.
ق ر تاۋار اينالىمىنداعى ر ف ۇلەسى 2021-جىلى 23,9 پايىزدى ($24,2 ميلليارد)، ال وسى جىلدىڭ 7-ايىندا 27,9 پايىزدى ($20,7 ميلليارد) قۇرادى.
ستاتيستيكالىق مالىمەتتەرگە سۇيەنسەك، قازاقستان مەن رەسەي اراسىنداعى تاۋار اينالىمى ارتىپ كەلە جاتقانىن بايقاۋعا بولادى. جەتكىزىلىمدەردىڭ جولعا قويىلعان ساۋدا باعىتتارى دا وڭ اسەر ەتىپ وتىر.
رەسەيلىك تاۋارلاردىڭ يمپورت قۇرىلىمىنا سۇيەنسەك، ەكى ەلدىڭ ساۋدا قاتىناستارىنىڭ تىعىز بايلانىسى اڭعارىلادى. ايتا كەتەرلىگى، رەسەيدەن قازاقستانعا يمپورتتالاتىن ونىمدە كاسىپكەرلەرگە، حالىققا ارنالعان وڭدەلگەن جانە دايىن تاۋارلار قوماقتى ۇلەسكە يە.
بۇدان باسقا، 2021-جىلدىڭ قورىتىندىسىندا رەسەي نيدەرلاندى، ا ق ش، شۆەيتساريا جانە ق ح ر- مەن قاتار قازاقستان ەكونوميكاسىنا ينۆەستيتسيالار كولەمى بويىنشا العاشقى بەس ەلدىڭ قاتارىنا كىرەدى. رەسەيدەن قازاقستانعا تىكەلەي شەتەلدىك ينۆەستيتسيالار كولەمى بەس جىل ىشىندە 58,3 پايىزعا - 1,2 ميلليارد دوللاردان $1,9 ميلليارد دوللارعا دەيىن ءوستى.
ەكىجاقتى قاتىناستارداعى كەز كەلگەن شەكتەۋ شارالارى قولدانىستاعى كەلىسىمشارتتاردى ىسكە اسىرۋ بارىسىندا قازاقستاننىڭ بيزنەس-ورتاسىنا تەرىس اسەر ەتەدى. تۇتاستاي العاندا، قازىرگى زامانعى جاعدايدا وڭىرلىك بايلانىستار مەن ينتەگراتسيالىق پروتسەستەردىڭ ماڭىزدىلىعىن ءتۇسىنۋ قاجەت. ولاردىڭ اياسىندا حالىقارالىق تاجىريبە دە كورسەتىپ وتىرعانداي، ءوزارا ءتيىمدى قاتىناستار ۇزاق مەرزىمدى پەرسپەكتيۆا بولىپ سانالادى.
قازاقستان ءۇشىن وڭىرلىك ىنتىماقتاستىق ماسەلەسى ەرەكشە ماڭىزعا يە. گەوساياسي جاعدايلارعا بايلانىستى بۇگىنگى كۇنى قيىندىقتار تۋىنداپ وتىر. ءبىراق قازاقستان ەكونوميكاسى ءۇشىن ساۋدانىڭ ەكونوميكالىق ۇلەسىن جەتە باعالاماۋعا بولمايدى.