تولىق سيكلدى قۋاتتا جۇمىس ىستەيتىن جاڭا اۆتوموبيل زاۋىتى سالىنادى
كاسىپورىن كولىكتەردى تەك ۇساق توراپتى ادىسپەن ءوندىرىپ، شاناعىن دانەكەرلەۋ جانە بوياۋ جۇمىستارى جۇرگىزىلەدى. وسىعان وراي استانا موتورس پەن قىتاي كومپانيالارى اراسىندا ءۇش مەموراندۋمعا قول قويىلدى. بۇل تۋرالى قازاقستاننىڭ ماشينا جاساۋشىلارى فورۋمى اياسىندا ق ر ي ي د م يندۋستريالىق دامۋ كوميتەتى ءتوراعاسىنىڭ ورىنباسارى ولجاس ساپاربەكوۆ مالىمدەدى، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.
اۆتوموبيل جاساۋدى دامىتۋ ماسەلەلەرىنە ارنالعان سەكتسيالىق وتىرىس بارىسىندا ولجاس ساپاربەكوۆ سالادا جۇزەگە اسىرىلىپ جاتقان جاڭا جوبالار جايىندا ەگجەي- تەگجەيلى بايانداپ بەردى. بۇگىندە كورەيالىق Yongsan كومپانياسىمەن Hyundai Accent جانە Hyundai Tucson مودەلدەرىنە ارنالعان اۆتوموبيل ورىندىقتارىن ءوندىرۋ بويىنشا بىرلەسكەن جوبا پىسىقتالۋدا.
سونىمەن قاتار، «Hyundai Trans Kazakhstan» ج ش س زاۋىتىندا شىعارىلاتىن Hyundai Accent, Hyundai Tucson, Hyundai Santa Fe, Hyundai Elantra مودەلدەرىنە مۋلتيمەديالىق جۇيەلەردى ورناتۋ ءۇشىن MOTREX كومپانياسىمەن جۇمىستار جۇرگىزىلۋدە. بۇل جوبالار شىعارىلاتىن مودەلدەردەگى قازاقستاندىق قامتۋ ۇلەسىن جانە جۇمىس ورىندارىنىڭ سانىن ۇلعايتۋعا مۇمكىندىك بەرەدى.
ماشينا جاساۋ تەحنولوگيالىق تۇرعىدان ونەركاسىپتەگى ەڭ كۇردەلى سالالاردىڭ ءبىرى. ماشينا جاساۋدا ءبىر جۇمىس ورنىن قۇرۋ وزگە بايلانىستى سالالاردا التى جۇمىس ورنىن اشۋعا مۇمكىندىك بەرەدى. سالانىڭ ماڭىزدى باعىتتارىنىڭ ءبىرى - اۆتوموبيل جاساۋ.
«2010 -جىلدىڭ قورىتىندىسى بويىنشا اۆتوموبيل جاساۋ ماشينا جاساۋدىڭ بارلىق سالاسىنىڭ ىشىندە نەبارى %5 ىن قۇرادى. 2021 -جىلدىڭ قورىتىندىسى بويىنشا اۆتوونەركاسىپتىڭ ۇلەسى 2,1 عا دەيىن ارتتى. بيىل ءبىرىنشى جارتىجىلدىقتا بۇل كورسەتكىش 7,5 عا جەتتى. ناتيجەسىندە، قىسقا مەرزىم ىشىندە اۆتووندىرۋشىلەر سانى ارتىپ، ۇنەمى سالىق تۇسىمدەرىن قامتاماسىز ەتەتىن سالا قالىپتاستى»، - دەدى ولجاس ساپاربەكوۆ.
سپيكەر ءوز ءسوزىنىڭ سوڭىندا مينيسترلىكتىڭ قىزمەتى وڭدەۋ ونەركاسىبى سالالارىن كەشەندى دامىتۋعا باعىتتالعانىن اتاپ ءوتتى.
«كاسىپكەرلىك كودەكس شەڭبەرىندە كولىك قۇرالدارىن ونەركاسىپتىك قۇراستىرۋ جانە كولىك قۇرالدارىنا كومپونەنتتەردى ونەركاسىپتىك قۇراستىرۋ تۋرالى جاڭارتىلعان كەلىسىمدەردى ەنگىزۋ جوسپارلانعان. سونداي- اق، وقشاۋلاۋدى باعالاۋدىڭ بالدىق جۇيەسى ەنگىزىلدى، وسىلايشا ۇسىنىلاتىن پرەفەرەنتسيالاردى ءتيىمدى پايدالانۋعا جانە بولۋگە مۇمكىندىك بار»، - دەلىنگەن ق ر ي ي د م ءباسپاسوز قىزمەتى تاراتقان اقپاراتتا.