ق ر س ءى م رەسەيلىكتەردىڭ كەلۋىنە قاتىستى مالىمدەمە جاسادى
ق ر س ءى م باسپا ءسوز قىزمەتى ەلگە كەلىپ جاتقان رەسەيلىكتەر ماسەلەسىنە قاتىستى تۇسىنىكتەمە بەردى، دەپ حابارلايدى قازاقپارات.
«رەسەي فەدەراتسياسىنىڭ ءبىزدىڭ ەلگە كەلەتىن ازاماتتارى سانىنىڭ وسۋىنە بايلانىستى كەيبىر قازاقستاندىقتاردىڭ الاڭداۋشىلىعىنا وراي مىنا ماسەلەلەردى ءتۇسىندىرۋ قاجەت دەپ سانايمىز.
شەتەل ازاماتتارىنىڭ ق ر- عا كىرۋ جانە بولۋ ءتارتىبى بار، ولاردى باقىلاۋدى ق ر ۇ ق ك شەكارا قىزمەتى جانە تيىسىنشە ق ر ءى ءى م جۇزەگە اسىرادى.
قازىرگى تاڭدا بارلىق مەملەكەتتىك ورگاندار شتاتتىق رەجيمدە جۇمىس ىستەۋدە جانە جاعدايدى تۇراقتى باقىلاۋدى قامتاماسىز ەتۋدە. بۇل رەتتە، كەز كەلگەن ەلدىڭ شەتەلدىك ازاماتتارىنىڭ ق ر اۋماعىندا مەرزىمسىز بولۋعا قۇقىعى جوق، ولار ەلىمىزدىڭ كوشى- قون زاڭناماسىنىڭ تالاپتارىن ساقتاۋى قاجەت.
ءبىز قۇقىقتىق مەملەكەتتە ءومىر ءسۇرىپ جاتقانىمىزدى جانە ءبىزدىڭ ءىس- ارەكەتتەرىمىز وسى قاعيداتتاردان تۋىنداۋى ءتيىس ەكەنىن اتاپ وتەمىز. سوندىقتان، قولدانىستاعى شارتتار ساقتالۋى ءتيىس جانە ىقتيمال قۇقىق بۇزۋشىلىقتاردى اكىمشىلىك تارتىپپەن توقتاتۋ كەرەك.
مەملەكەتتە ۇلتتىق مۇددەلەردى قورعاۋدىڭ تەتىكتەرى جەتكىلىكتى، بۇل ورايدا، ۇلتتىق مۇددە بارىنەن دە جوعارى.
اينالامىزدا بولىپ جاتقان كەز كەلگەن كۇردەلى گەوساياسي جاعدايدا ءبىز ۇلتتىق قاۋىپسىزدىكتىڭ باسىمدىعىنا سۇيەنەتىن بولامىز. الەمدە ورىن العان قۇبىلمالى احۋال ءبىزدىڭ مەملەكەتىمىزدىڭ تۇراقتىلىعى ءۇشىن سىناق بولىپ وتىر.
سونىمەن بىرگە، حالقىمىزعا ءتان ادامگەرشىلىك قاسيەتتەر بەلگىلى ءبىر مورالدىق ەرەجەلەردى ساقتاۋدى تالاپ ەتەدى. ازاماتتارىمىز وزىندىك دانالىعىن كورسەتىپ، قوناقجايلىلىق داستۇرىنە بەرىك بولادى دەپ سەنەمىز.
قازاقستان - ەگەمەندى جانە تاۋەلسىز مەملەكەت، قۋاتتى ءارى ۇيىمشىل ەل.
مەملەكەت باسشىسى كەز كەلگەن جاعدايدا حالىق بىرلىگىنىڭ ماڭىزدى ەكەنىن بىرنەشە رەت اتاپ ءوتتى.
قازىرگى قيىن كەزەڭدە كەز كەلگەن وتكىر مالىمدەمە نەمەسە ارەكەت جاعىمسىز اسەر تۋدىرۋى مۇمكىن ەكەنىن ەستە ۇستاعان ءجون.
بۇگىنگى تاڭدا قازاقستاننىڭ ينفراقۇرىلىمى كوشى- قوننىڭ قازىرگى جاعدايىنان سالىستىرمالى تۇردە اۋىرتپالىقسىز وتۋگە مۇمكىندىك بەرەدى. قىزمەت كورسەتۋ جانە سەرۆيس وبەكتىلەرى دە ءوز قۋاتتارى اياسىندا جۇمىس ىستەيدى.
ءبىز اعىمداعى احۋالعا مۇقيات مونيتورينگ جۇرگىزىپ وتىرمىز جانە ەلەۋلى ءبىر قاتەرلەر تۋىنداعان كەزدە حالىقارالىق قۇقىق پەن ۇلتتىق زاڭنامانى ەسكەرە وتىرىپ، ءتيىستى شارالار قابىلداناتىن بولادى. ءبىز مەملەكەتتىك ورگانداردىڭ رەسمي جانە وبەكتيۆتى اقپاراتىنا سەنۋ ماڭىزدى دەپ سانايمىز، بۇل قاجەتسىز الاڭداۋشىلىقتىڭ الدىن الۋعا كومەكتەسەدى»، - دەلىنگەن مالىمدەمەدە.